قازاقستاننىڭ كوپ بولىگىندە اۋا رايىنا بايلانىستى ەسكەرتۋ جاريالاندى
10- قاڭتار كۇنى ەلدىڭ 15 وبلىسىندا اۋا رايىنا بايلانىستى ەسكەرتۋ جاريالاندى. Kazinform بۇل تۋرالى «قازگيدرومەت» ر م ق- عا سىلتەمە جاساپ حابارلايدى.
قىزىلوردا، پاۆلودار، قاراعاندى، ۇلىتاۋ وبلىستارىندا بوران جانە كوكتايعاق، ماڭعىستاۋ وبلىسىندا دا كوكتايعاق بولۋى مۇمكىن.
اباي، اقمولا جانە اقتوبە وبلىستارىندا بۇرقاسىن، باتىس قازاقستان جانە اتىراۋ وبلىستارىندا جاياۋ بۇرقاسىن بولۋى ىقتيمال.
10- قاڭتار كۇندىز قوستاناي وبلىسىنىڭ باتىسىندا، سولتۇستىگىندە قالىڭ قار جاۋادى.
جەتىسۋ، تۇركىستان وبلىستارىندا جەل تۇرادى دەپ بولجانعان.
شىعىس قازاقستان وبلىسىنىڭ باتىسى، شىعىسى مەن وڭتۇستىگىندە تۇندە قار جاۋىپ، كۇندىز وبلىستىڭ سولتۇستىگى مەن شىعىسىندا قاتتى جاۋىن-شاشىن، بۇرقاسىن بولۋى مۇمكىن.
سولتۇستىك قازاقستان وبلىسىنىڭ كوپ بولىگىندە، كۇندىز سولتۇستىگى مەن شىعىسىندا قالىڭ قار جاۋادى.