قازاقستاننىڭ ش ى ۇ ەلدەرىمەن تاۋار اينالىمى 66 ميلليارد دوللارعا جەتتى

 استانا. KAZINFORM - ش ى ۇ ەلدەرىنەن بىلتىر قازاقستانعا 4,6 ميلليارد ا ق ش دوللار كولەمىندە ينۆەستيتسيا تارتىلعان. بۇل تۋرالى «اتامەكەن» ۇ ك پ ءتوراعاسى، ش ى ۇ مۇشە ەلدەرى ىسكەرلىك كەڭەسىنىڭ ءتوراعاسى رايىمبەك باتالوۆ ءمالىم ەتتى.

«بۇگىن شانحاي ىنتىماقتاستىق ۇيىمىنىڭ ىسكەرلىك كەڭەسى شەڭبەرىندە ەكونوميكالىق ىنتىماقتاستىعىمىزدى نىعايتۋدىڭ پەرسپەكتيۆالارى مەن جولدارىن تالقىلاۋ ءۇشىن جينالدىق. وتكەن جىلى شىلدەدە قازاقستان ش ى ۇ ءتوراعاسى ءرولىن ءوز موينىنا الدى جانە وسى ۋاقىت ىشىندە ءبىز ايتارلىقتاي ناتيجەلەرگە قول جەتكىزدىك. قازاقستاننىڭ بيزنەسى اگروونەركاسىپتىك كەشەن، ماشينا جاساۋ، لوگيستيكا، مەديتسينا، ءبىلىم بەرۋ، IT، تۋريزم تاعى سول سياقتى ەكونوميكانىڭ كوپتەگەن سەكتورىن قامتيتىن ش ى ۇ ەلدەرىنىڭ بيزنەسىمەن بەلسەندى ىنتىماقتاسادى»، - دەدى رايىمبەك باتالوۆ ەلوردادا وتكەن شىۇ مۇشە ەلدەر وكىلدەرىنىڭ قاتىسۋىمەن وتكەن ىسكەرلىك كەڭەستە.

ونىڭ ايتۋىنشا، ش ى ۇ ەلدەرى اراسىندا ەكسپورت پەن يمپورت كولەمى ارتىپ، بىرلەسكەن كاسىپكەرلىك دامىپ جاتىر.

«2023 -جىلى قازاقستاننىڭ تاۋار اينالىمى ش ى ۇ ەلدەرىمەن شامامەن 66 ميلليارد ا ق ش دوللارىن قۇراپ، %7,5 عا ءوستى. بۇگىندە قازاقستان اۋماعىندا ش ى ۇ ەلدەرى كاپيتالىنىڭ قاتىسۋىمەن 29 مىڭنان استام كومپانيا جانە 5 مىڭنان استام بىرلەسكەن كاسىپورىن جۇمىس ىستەيدى. 2023 -جىلى شىۇ ەلدەرىنەن قازاقستانعا ينۆەستيتسيالار كولەمى 4,6 ميلليارد ا ق ش دوللارىن قۇرايدى»، - دەيدى ول.