قازاقستاننىڭ دەپوزيتتەرگە كەپىلدىك بەرۋ قورى جەكە كومپانيالارعا سەنىمگەرلىك باسقارۋعا بەرىلدى

استانا. KAZINFORM - ۇلتتىق بانك «قازاقستاننىڭ دەپوزيتتەرگە كەپىلدىك بەرۋ قورى» ا ق اكتيۆتەرىن جەكە باسقارۋشى كومپانيالارعا سەنىمگەرلىك باسقارۋعا بەرۋ ۇدەرىسىنىڭ باستالعانىن حابارلايدى.

قاراجاتتى بەرۋ ۇ ب باعالى قاعازدار نارىعىن دامىتۋ جانە ەنشىلەس ۇيىمداردىڭ اكتيۆتەرىن باسقارۋدان بىرتىندەپ ارىلۋ ستراتەگياسى اياسىندا جۇزەگە اسپاق.

الماتى قالاسىندا بىرنەشە باسقارۋشى كومپانيالاردىڭ وكىلدەرىمەن ءتيىستى كەلىسىمدەرگە قول قويۋ ءراسىمى بولىپ ءوتتى.

كەلىسىمدەرگە قول قويۋ قورىتىندىسى بويىنشا وتكەن باسپا ءسوز ءماسليحاتىندا ق د ك ب ق ءتوراعاسى ءادىل وتەمبايەۆ جەكە باسقارۋعا بەرىلەتىن اكتيۆتەردىڭ ساقتالۋىن قامتاماسىز ەتۋ بويىنشا قولدانىلىپ جاتقان شارالار تۋرالى اڭگىمەلەدى.

«ءبىز ءتيىستى تاۋەكەلدەرگە باعا بەرىپ، ولاردى ساراپتان وتكىزىپ، جەكە باسقارۋشى كومپانيالار ءۇشىن ينۆەستيتسيالىق ساياساتتى ازىرلەپ شىقتىق. سوعان سايكەس قوردىڭ اكتيۆتەرى تەك ەڭ سەنىمدى قارجى قۇرالدارىنا ينۆەستيتسيالاناتىن بولادى. مىسالى، قازاقستان رەسپۋبليكاسىنىڭ مەملەكەتتىك باعالى قاعازدارى، كۆازيمەملەكەتتىك سەكتوردىڭ سۋبەكتىلەرى مەن حالىقارالىق قارجى ۇيىمدارىنىڭ وبليگاتسيالارى. ولاردىڭ وتەۋ مەرزىمى 3 جىلعا دەيىن. سونداي-اق كەرى رەپو وپەراتسيالارىن ايتۋعا بولادى. ەندى وسى باعدارلاما اكتيۆتەردىڭ تابىستىلىعىن ارتتىرا تۇسەدى دەگەن ۇمىتتەمىز. قور ءۇشىن باستى مىندەت - ارنايى رەزەرۆتىڭ قاراجاتتارىن ساقتاۋ جانە ولاردىڭ جوعارى وتىمدىلىگىنە قولداۋ كورسەتۋ»، - دەدى ول.

قور ءتوراعاسىنىڭ ايتۋىنشا، جەكە باسقارۋشىلار الدىندا بەلگىلەنگەن ەتالوندىق پورتفەلدىڭ (بەنچماركتىڭ) تابىستىلىق كورسەتكىشىن ارتتىرۋ ماقساتى قويىلعان.

تاۋەكەل تۋىنداعان جاعدايدا شارتتا ق د ك ب ق ءۇشىن ونى ءبىرجاقتى رەتپەن بۇزۋ مۇمكىندىگى قاراستىرىلعان. اكتيۆتەردى جەكە باسقارۋشىلارعا بەرۋ بارىسىندا كاستودياندار تاراپىنان قوسىمشا قاداعالاۋدى جۇرگىزۋ ارقاسىندا تاۋەكەلدەر بارىنشا ازايتىلادى.

ايتا كەتەلىك، كاستودياندار اكتيۆتەردى ەسەپكە الۋدى جانە ساقتاۋدى قامتاماسىز ەتەدى جانە جەكە باسقارۋشىلاردىڭ ينۆەستيتسيالىق ساياساتتىڭ تالاپتارىن قانشالىقتى ورىندايتىندارىنا باقىلاۋ جۇرگىزىپ وتىرادى.

ءوز كەزەگىندە قۇب مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ ق ۇ ب باستاماسى بويىنشا قازاقستان قور بيرجاسىنىڭ الاڭىندا قدكبق اكتيۆتەرىن يندەكستىك باسقارۋ ماقساتىندا مەملەكەتتىك باعالى قاعازداردىڭ يندەكسى ازىرلەنىپ، ىسكە قوسىلعاندىعىن اتاپ ءوتتى.

«ءبىز ق د ك ب ق جانە قازاقستان قور بيرجاسىمەن بىرگە ۇلكەن جۇمىس اتقاردىق جانە بۇگىن ءبىز جاڭا تاريحي ءساتتىڭ قارساڭىندا تۇرمىز دەپ نىق سەنىممەن ايتا الامىز. ەلىمىزدە تۇڭعىش رەت قازاقستان قور بيرجاسىنىڭ الاڭىندا ەنگىزىلگەن جەرگىلىكتى بەنچمارك بازاسىندا ق د ك ب ق سىندى ءىرى ينستيتۋتسيونالدى ينۆەستوردىڭ اكتيۆتەرىنە حالىقارالىق تاجىريبەدە كەڭىنەن پايدالانىلاتىن يندەكستىك ءتاسىل قولدانىلاتىن بولادى. اكتيۆتەردى جەكە باسقارۋعا بەرۋ وتاندىق باعالى قاعازدار نارىعىنا تىڭ سەرپىن بەرەدى دەپ سەنەمىز. سونىمەن قاتار بۇل جەكە باسقارۋشىلارعا بەرىلەتىن اكتيۆتەردىڭ كولەمىن ارتتىرۋ ەسەبىنەن جەكە باسقارۋشى كومپانيالار نارىعىنىڭ دامۋىنا، سونداي-اق سول باسقارۋشىلار اراسىندا باسەكەلەستىكتى كۇشەيتۋ ەسەبىنەن اكتيۆتەردى باسقارۋ تيىمدىلىگىن ارتتىرۋعا سەپتىگىن تيگىزەدى»، - دەدى ن. تۇرسىنحانوۆ.

ەسكە سالامىز، قازىرگى ۋاقىتتا ق د ك ب ق ارنايى رەزەرۆى اكتيۆتەرىنىڭ مولشەرى - 1,2 تريلليون تەڭگە.

العاشقى كەزەڭدە 200 ميلليارد تەڭگە بەرىلەدى.

ءارى قاراي اكتيۆتەردى بەرۋ جەكە باسقارۋشى كومپانيالاردىڭ تيىمدىلىك كورسەتكىشتەرىنە قاراي كەزەڭ-كەزەڭمەن جۇزەگە اسادى.