قازاقستاننىڭ ءبىرقاتار وڭىرىندە نايزاعاي ويناپ، بۇرشاق جاۋادى

استانا. قازاقپارات - 9-شىلدەدە قازاقستاننىڭ بىرنەشە وڭىرىندە قولايسىز اۋا رايى بولجانۋدا، دەپ حابارلايدى «قازگيدرومەت» ر م ك.

اتموسفەرالىق فرونتالدى بولىمدەردىڭ اسەرىنەن رەسپۋبليكانىڭ سولتۇستىگىندە، وڭتۇستىگىندە، وڭتۇستىك- شىعىسىندا جانە ورتالىعىندا اۋا رايى تۇراقسىز بولادى. نايزاعاي ويناپ، جاڭبىر جاۋادى، سولتۇستىكتە نوسەر جاڭبىر، كۇندىز كەي جەرلەردە بۇرشاق كۇتىلەدى.

جەل كۇشەيىپ، سولتۇستىك پەن وڭتۇستىك- شىعىستا داۋىل بولادى. سولتۇستىك جانە سولتۇستىك- باتىس ايماقتاردا تۇندە جانە تاڭەرتەڭ تۇمان تۇسەدى.

ماڭعىستاۋ، اتىراۋ، اقتوبە، باتىس قازاقستان، قاراعاندى، ۇلىتاۋ، اقمولا جانە شىعىس قازاقستان وبلىستارىنىڭ جەكەلەگەن اۋماقتارىندا جوعارى ءورت قاۋپى بار.

جامبىل، قىزىلوردا، تۇركىستان، جەتىسۋ، اباي جانە قوستاناي وبلىستارىنىڭ كەي جەرلەرىندە توتەنشە ءورت قاۋپى ساقتالادى.

كۇندىز باتىس قازاقستان، الماتى، جەتىسۋ، اقتوبە، اتىراۋ جانە ماڭعىستاۋ وبلىستارىندا 35-38 گرادۋسقا دەيىن اپتاپ ىستىق بولادى.