قازاقستاننىڭ ءبىلىم ديپلومدارى الەمنىڭ نەشە ەلىندە جۇمىسقا تۇرۋعا جارامدى

استانا. KAZINFORM - عىلىم جانە جوعارى ءبىلىم مينيسترلىگى Kazinform ساۋالىنا جولداعان جاۋاپتا قازاقستاندا بەرىلگەن ءبىلىم ديپلومدارى الەمنىڭ نەشە ەلىندە جۇمىسقا تۇرۋعا جارامدى ەكەنىن ءمالىم ەتتى.

«قازاقستان ليسسابون كونۆەنتسياسىن راتيفيكاتسيالادى. بۇل كونۆەنتسياعا قول قويعان 55 ەل (45 ەۋروپالىق ەل مەن ەۋروپا وداعىنا كىرمەيتىن 10 ەلدىڭ، ونىڭ ىشىندە ا ق ش) ءبىر- ءبىرىنىن وقۋ ناتيجەلەرىن تانۋعا كەلىستى. اتالعان قۇجات قازاقستاندا اككرەديتتەلگەن جوعارى وقۋ ورىندارىندا ءبىلىم العان ازاماتتارعا ديپلومدى نوستريفيكاتسيالاۋعا (رەسمي تەڭەستىرۋگە) مۇمكىندىك بەرەدى جانە ناتيجەسىندە ولاردى وقۋىن جالعاستىرۋعا نەمەسە جۇمىسقا ورنالاسۋعا پايدالانۋعا مۇمكىندىك بەرەدى»، - دەپ جازىلعان مينيسترلىك مالىمەتىندە.

سونداي- اق ۆەدومستۆو ماماندارى قازاقستان بيۋدجەتىنىڭ كومەگىنسىز فيليالىن اشقان شەتەلدىك ۋنيۆەرسيتەتتەردى اتادى. ولار مىنالار:

1. دە مونتفورت قازاقستان (ينۆەستورلاردىڭ قارجىسى)

2. ەكونوميكا ۋنيۆەرسيتەتى (پولشا) شاكارىم ۋنيۆەرسيتەتى بازاسىندا (اقىلى وقۋ)

3. كوۆەنتري ۋنيۆەرسيتەتى (ينۆەستورلاردىڭ قارجىسى)

4. لۋ بان شەبەرحانالارى (قىتاي تارابىنىڭ قارجىسى)

5. جاساندى ينتەللەكت مەكتەبى (وڭتۇستىك كورەيا تارابىنىڭ قارجىسى) .