قازاقستاننىڭ باتىس ايماعىندا جەر سىلكىندى

اتىراۋ. KAZINFORM - ەلىمىزدىڭ باتىس ايماعىندا جەر سىلكىنىسى تىركەلدى.

ۇلتتىق دەرەكتەر ورتالىعى تاراتقان اقپاراتقا قاراعاندا، جەر سىلكىنىسى بۇگىن، 24-قىركۇيەكتە تۇستەن كەيىن بولعان.

ۇلتتىق يادرلىق ورتالىعى گەوفيزيكالىق زەرتتەۋلەر ينستيتۋتى جەلىسىنىڭ ستانسالارى 2024-جىلعى 24-قىركۇيەكتە استانا ۋاقىتىمەن ساعات 14:20 شاماسىندا (GMT 09:20) ءزىلزالانى تىركەگەن.

«باتىس قازاقستاندا جەر سىلكىنىسى تىركەلدى. ەپيتسەنتر كوورديناتتارى: سولتۇستىك ەندىك - 46,07 گرادۋس، شىعىس بويلىق - 53,30 گرادۋس. ماگنيتۋداسى - 4,1. ەنەرگەتيكالىق كلاسى - 9,2» دەلىنگەن اقپاراتتا.

ال، volcanodiscovery.com مالىمەتىنە سۇيەنسەك، جەر سىلكىنىسى اتىراۋ وبلىسىنىڭ اۋماعىندا تىركەلگەن.

جەر سىلكىنىسىنىڭ سەزىلگەنى تۋرالى مالىمەت جوق.

ەسكە سالا كەتەلىك، بۇعان دەيىن الماتىدان 58 كيلومەتر اۋماقتا جەر سىلكىنگەنى حابارلانعان ەدى.