قازاقستاننىڭ باسىم بولىگىندە قار جاۋىپ، بۇرقاسىن بولادى

استانا. KAZINFORM — «قازگيدرومەت» قازاقستان ايماقتارىندا 15 قاراشادا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى.

اتموسفەرالىق فرونتالدى بولىمدەردىڭ وتۋىمەن قازاقستان رەسپۋبليكاسىنىڭ كوپ بولىگىندە قار جاۋادى.

- ەلىمىزدىڭ باتىسىندا، وڭتۇستىك- باتىسىندا جاڭبىر مەن قار تۇرىندە جاۋىن- شاشىن بولادى. تەك ەلدىڭ وڭتۇستىگىندە، وڭتۇستىك- شىعىسىندا انتيتسيكلون سىلەمىنىڭ اسەرىنەن جاۋىن- شاشىنسىز اۋا رايى كۇتىلەدى، - دەلىنگەن حابارلامادا.

سينوپتيكتەردىڭ بولجامىنشا، رەسپۋبليكا بويىنشا جەلدىڭ كۇشەيۋى، سولتۇستىك- باتىسىندا، سولتۇستىگىندە، شىعىسىندا بۇرقاسىنمەن، سولتۇستىك- باتىسىندا، وڭتۇستىگىندە، وڭتۇستىك- شىعىسىندا تۇمان، باتىسىندا، ەلدىڭ سولتۇستىك- باتىسىندا كوكتايعاق كۇتىلەدى.

بۇعان دەيىن حابارلاعانىمىزداي، قازاقستاندىقتارعا قولايسىز اۋا رايىنا بايلانىستى ەسكەرتۋ جاسالدى.