قازاقستاننىڭ بارلىق وڭىرىندە سۋ تاسقىنى اياقتالدى

استانا. KAZINFORM - سۋ رەسۋرستارى جانە يرريگاتسيا مينيسترلىگى قازاقستاننىڭ بارلىق وڭىرىندە سۋ تاسقىنى اياقتالعانىن حابارلادى.

باتىس قازاقستان وبلىسىنداعى ءتورت ءىرى سۋ قويماسى 87 پايىزعا تولدى. ولاردىڭ بارلىعى شتاتتىق كەستەگە ساي جۇمىس ىستەيدى.

اقمولا وبلىسىندا ەكى ءىرى سۋ قويماسى 99 پايىزعا تولى. ەكى نىسان دا شتاتتىق رەجيمدە جۇمىس ىستەيدى.

سولتۇستىك قازاقستان وبلىسىندا 2 ءىرى سۋ قويماسى 100 پايىزعا تولى.

اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 95 پايىز. ەكى نىسان دا شتاتتىق كەستەگە ساي جۇمىس ىستەيدى.

شىعىس قازاقستان وبلىسىنداعى ەكى ءىرى سۋ قويماسى بويىنشا ورتاشا سۋ جيناۋ كورسەتكىشى 89,8 پايىز.

اباي وبلىسىندا ءشۇلبى سۋ قويماسى 87,8 پايىزعا تولدى. ەرتىس كاسكادىنىڭ بارلىق سۋ قويمالارى شتاتتىق كەستەگە ساي جۇمىس ىستەيدى.

قاراعاندى وبلىسىنداعى 3 ءىرى سۋ قويماسى 99,5 پايىزعا تولى. ولاردىڭ بارلىعى شتاتتىق كەستە اياسىندا جۇمىس ىستەيدى.

قوستاناي وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى 91 پايىز. ەكى نىسان دا شتاتتىق كەستەگە ساي جۇمىس ىستەيدى.

«سۋ قويمالارىنا جينالعان تاسقىن سۋى اۋىلشارۋاشىلىعى مەن ونەركاسىپتە پايدالانۋ ءۇشىن جىبەرىلەدى»، - دەپ جازدى ۆەدومستۆودان.

اۆتور

اسحات رايقۇل