قازاقستاننىڭ بارلىق اۋماعىندا تەلەارنالار ۋاقىتشا توقتاتىلادى

استانا. KAZINFORM - «قازتەلەراديو» ا ق تەلەراديو حابارلارىن تاراتۋدىڭ ۇزدىكسىز ءارى ساپالى بولۋىن قامتاماسىز ەتۋ ءۇشىن توقسان سايىن جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى.

«قازتەلەراديو» ا ق باسپا ءسوز قىزمەتىنىڭ حابارلاۋىنشا، 2024-جىلدىڭ 30-قازانى ساعات 03:00 مەن 17:00 ارالىعىندا جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى.

«وسىعان بايلانىستى، ياعني جۇمىستار جۇرگىزىلگەن كەزدە قازاقستاننىڭ بارلىق اۋماعىندا تەلەراديوارنالاردى رەترانسلياتسيالاۋ ۋاقىتشا توقتاتىلادى. ۋاقىتشا قولايسىزدىقتار ءۇشىن كەشىرىم وتىنەمىز»، - دەلىنگەن حابارلامادا.

وسىعان دەيىن «قازاقستان» تەلەراديوكورپوراتسياسى ەسكى ءان-كۇيلەردى قامتيتىن اۋديوجيناق شىعارعانى تۋرالى جازعان ەدىك.