قازاقستاننىڭ اۋىل شارۋاشىلىعىنا 8 تۇركيالىق كومپانيا ينۆەستيتسيا سالماق
استانا. قازاقپارات - 11-تامىزدا ايداربەك ساپاروۆ قازاقستاندا استىق جانە بۇرشاق داقىلدارىن، ءىرى قارا مال تەرىسىن وڭدەۋ، بالمۇزداق ءوندىرۋ، اۋىل شارۋاشىلىعىنا ارنالعان تەحنيكا ءوندىرىسىن وقشاۋلاۋ جونىندەگى جوبالاردى دامىتۋعا مۇددەلى تۇرىك بيزنەسىمەن كەلىسسوزدەر جۇرگىزدى، دەپ حابارلايدى ق ر ا ش م باسپا ءسوز قىزمەتى.
بۇرشاق داقىلدارىن تەرەڭ وڭدەۋ جونىندەگى كومپانيالار قازاقستاننىڭ امينقىشقىلدارى، ونىڭ ىشىندە ليزين، گليۋتەن جانە نارىقتا جوعارى سۇرانىسقا يە باسقا دا ونىمدەر سياقتى قوسىلعان قۇنى جوعارى ونىمدەردى وندىرۋدەگى ۇلكەن مۇمكىندىكتەرىن اتاپ ءوتتى.
بالمۇزداق وندىرۋشىلەر رەسەي، قىتاي سياقتى جاقىن ماڭداعى نارىقتارعا قىزىعۋشىلىق تانىتادى، وندا قازاقستاندىق وندىرۋشىلەر شيكىزات جەتكىزۋدى جۇزەگە اسىرۋعا مۇمكىندىك بار. بۇل جاعدايدا بالمۇزداق ءوندىرۋ ءۇشىن جوعارى ساپالى لاكتوزا ءسۇتى قاجەت. مينيستر قازاقستاندا ءسۇت-تاۋار فەرمالارىن دامىتۋ باعدارلاماسى ىسكە اسىرىلىپ جاتقانىن جانە وڭدەۋ ءۇشىن شيكىزات جەتكىزۋشى بولا الاتىن 65 زاماناۋي ءسۇت-تاۋار فەرماسى سالىناتىنىن ايتتى.
اۆتور
ەربول جانات