قازاقستاننىڭ 9 وبلىسىندا اۋا رايىنا بايلانىستى ەسكەرتۋ جاريالاندى

استانا. KAZINFORM - ەلىمىزدىڭ 9 وبلىسىندا كۇن رايىنا بايلانىستى ەسكەرتۋ جاريالاندى. بۇل تۋرالى «قازگيدرومەت» ر م ك حابارلادى.

18-ناۋرىزدا كۇندىز باتىستا، اقتوبە وبلىسىنىڭ ورتالىعىندا كوكتايعاق كۇتىلەدى. شىعىستان جەل سوعادى، تۇندە وڭتۇستىك- باتىسقا اۋىسادى، كۇندىز وبلىستىڭ وڭتۇستىگىندە ەكپىنى 15-20 م/س جەتەدى.

اتىراۋ وبلىسىندا جاۋىن- شاشىن (جاڭبىر، قار)، وبلىستىڭ سولتۇستىگى مەن وڭتۇستىگىندە كوكتايعاق كۇتىلەدى. وبلىستىڭ باتىسى مەن وڭتۇستىگىندە تۇمان تۇسەدى. وڭتۇستىك- باتىستان سوعاتىن جەلدىڭ كۇشى - 9-14، كۇندىز وبلىستىڭ وڭتۇستىگى مەن شىعىسىندا ەكپىنى - 15-20 م/س. اتىراۋدا جاۋىن- شاشىن (جاڭبىر، قار) كۇتىلەدى. تۇندە جانە تاڭەرتەڭ تۇمان.

جەتىسۋ وبلىسىنىڭ الاكول كولدەرى ايماعىندا وڭتۇستىك- شىعىستان سوعاتىن جەلدىڭ ەكپىنى - 15-20، كەي جەرلەردە 23-28 م/س كۇتىلەدى.

باتىس قازاقستان وبلىسىنىڭ باتىسىندا، وڭتۇستىگىندە، شىعىسىندا كوكتايعاق كۇتىلەدى. وبلىستىڭ وڭتۇستىگىندە، سولتۇستىگىندە جانە شىعىسىندا تۇمان بولۋى ىقتيمال. ورالدا تۇندە جانە تاڭەرتەڭ تۇمان كۇتىلەدى.

قاراعاندى ​​وبلىسىنىڭ سولتۇستىگى مەن شىعىسىندا تۇندە جانە تاڭەرتەڭ تۇمان كۇتىلەدى. قاراعاندىدا تۇندە جانە تاڭەرتەڭ تۇمان ءتۇسۋى مۇمكىن.

18-ناۋرىزدا كۇندىز قوستاناي وبلىسىنىڭ باتىسىندا جانە وڭتۇستىگىندە جاۋىن-شاشىن (جاڭبىر، قار)، كوكتايعاق كۇتىلەدى. وبلىستىڭ باتىسى مەن وڭتۇستىگىندە تۇمان تۇسەدى. قىزىلوردا وبلىسىندا وڭتۇستىك- باتىستان 15-20 م/س جەل سوعادى دەپ كۇتىلۋدە.

ماڭعىستاۋ وبلىسىنىڭ سولتۇستىك- شىعىسىندا شاڭدى داۋىل بولادى. وبلىستىڭ سولتۇستىگى مەن شىعىسىندا وڭتۇستىك- باتىستان سوعاتىن جەلدىڭ كۇشى - 15-20 م/س.

تۇركىستان وبلىسىنىڭ تاۋلى اۋداندارىندا وڭتۇستىك- شىعىستان، وڭتۇستىكتەن 15-20 م/س جەل سوعادى.