قازاقستاننىڭ 11 وڭىرىندە اۋا رايىنا بايلانىستى ەسكەرتۋ جاريالاندى

«قازگيدرومەت» ر م ك-سى قازاقستاننىڭ 11 وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى Kazinform.

3-قاراشادا استانادا تۇندە جانە تاڭەرتەڭ تۇمان تۇسەدى.

اباي وبلىسىنىڭ باتىسىندا، سولتۇستىگىندە جانە شىعىسىندا جاياۋ بۇرقاسىن، تۇمان، كوكتايعاق بولادى. وڭتۇستىك- باتىستان جەل سوعىپ، باعىتىن سولتۇستىك- باتىسقا اۋىستىرادى، تۇندە وبلىستىڭ باتىسىندا، سولتۇستىگىندە جانە ورتالىعىندا جەل كۇشى 15-20 م/س، ەكپىنى 23-28 م/س دەيىن جەتەدى.

تۇندە جانە تاڭەرتەڭ اقمولا وبلىسىنىڭ سولتۇستىگىندە، وڭتۇستىگىندە، شىعىسىندا تۇمان ءتۇسىپ، كوكتايعاق بولادى. وڭتۇستىك- شىعىستان سوعاتىن جەل ەكپىنى وبلىستىڭ باتىسىندا، سولتۇستىگىندە 15-20 م/س دەيىن جەتەدى.

اتىراۋ وبلىسىنىڭ باتىسىندا، وڭتۇستىگىندە، شىعىسىندا تۇندە جانە تاڭەرتەڭ تۇمان تۇسەدى.

تۇندە شىعىس قازاقستان وبلىسىنىڭ سولتۇستىگى مەن شىعىسىندا قاتتى جاۋىن- شاشىن (كوبىنەسە قار) جاۋادى. وبلىستىڭ سولتۇستىگى مەن شىعىسىندا جاياۋ بۇرقاسىن، كوكتايعاق بولىپ، تۇمان تۇسەدى. وڭتۇستىك- باتىستان سوعاتىن جەل باعىتىن سولتۇستىك- باتىسقا اۋىستىرىپ، وبلىستىڭ سولتۇستىگىندە، شىعىسىندا جانە وڭتۇستىگىندە كۇشى 15-20 م/س، ەكپىنى 25 م/س دەيىن جەتەدى.

باتىس قازاقستان وبلىسىنىڭ باتىسىندا تۇندە جانە تاڭەرتەڭ تۇمان تۇسەدى. وڭتۇستىك- شىعىستان، وڭتۇستىكتەن جەل سوعىپ، تۇندە وبلىستىڭ شىعىسىندا ەكپىنى 15-20 م/س دەيىن جەتەدى.

قاراعاندى وبلىسىنىڭ سولتۇستىگى مەن شىعىسىندا تۇمان، كوكتايعاق بولادى.

قوستاناي وبلىسىنىڭ سولتۇستىگىندە، شىعىسىندا جانە وڭتۇستىگىندە تۇمان تۇسەدى. وڭتۇستىك- باتىستان سوعاتىن جەل كۇندىز وبلىستىڭ باتىسى مەن سولتۇستىگىندە كۇشى 15-20 م/س بولادى.

پاۆلودار وبلىسىنىڭ وڭتۇستىگىندە تۇندە سولتۇستىك- باتىستان سوعاتىن جەلدىڭ ەكپىنى 15-20 م/س جەتەدى.

سولتۇستىك قازاقستان وبلىسىنىڭ وڭتۇستىگىندە تۇندە جانە تاڭەرتەڭ تۇمان تۇسەدى. وڭتۇستىك- شىعىستان، وڭتۇستىكتەن جەل سوعادى، كۇندىز ەكپىنى 15-20 م/س.

ۇلىتاۋ وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەدى.