قازاقستاندىقتاردىڭ جارتىسىنان كوبىنىڭ نەسيە تاريحى ناشار - ساراپشى

استانا. KAZINFORM - حالىقتىڭ 56 پايىزىنىڭ نەسيە الۋ تاريحى ناشار، سونىڭ سالدارىنان يپوتەكالىق باعدارلامالارعا قاتىسا المايدى. بۇل تۋرالى Freedom بانكىنىڭ ديرەكتورلار كەڭەسىنىڭ مۇشەسى ايدوس جۇماعۇلوۆ Astana Finance Days سەسسياسىندا مالىمدەدى.

ا. جۇماعۇلوۆ قارجىلىق ساۋات ءۇشىن ۇلكەن جاۋاپكەرشىلىك قارجى ينستيتۋتتارىنىڭ موينىندا ەكەنىن اتاپ ءوتتى.

«تۇتىنۋشىلاردىڭ مىنەز-قۇلقىنا قاراي اۋىپ كەتۋ بايقالادى. ويتكەنى مەنىڭ ويىمشا، ءبىز قارجى ينستيتۋتتارى رەتىندە بەلگىلى ءبىر ونىمدەردى شىعارعاندا جانە تۇتىنۋشىلار مىنەز- قۇلقىنىڭ وزگەرۋىنە ىقپال ەتكەندە ۇلكەن جاۋاپكەرشىلىك الامىز»، - دەدى ديرەكتورلار كەڭەسىنىڭ مۇشەسى.

سپيكەر كەلتىرگەن ستاتيستيكا بويىنشا قازاقستان حالقىنىڭ 34 پايىزىندا جيناق سالىمى بار. ال بۇكىل ورتالىق ازيا بويىنشا ستاتيستيكا ورتاشا ەسەپپەن # عانا. سالىستىرمالى تۇردە، ەۋروپادا حالىقتىڭ 65 پايىزىندا جيناقتالعان قاراجات بار.

«ەلىمىزدە ەكونوميكالىق بەلسەندى 9-10 ميلليون ادامنىڭ 8 ميلليونعا جۋىعى قانداي دا ءبىر جولمەن نەسيە ونىمدەرىمەن بەتپە-بەت كەلگەن»، - دەيدى جۇماعۇلوۆ.

بۇل رەتتە ساراپشى 18-23 جاستاعى جاستار اراسىندا مەرزىمى وتكەن كرەديتتەر ۇلەسى جىل سايىن ءوسىپ كەلە جاتقانىن ايتىپ وتىر. 2022 -جىلدىڭ باسىندا ولاردىڭ ۇلەسى ,1 بولسا، 2024 -جىلدىڭ تامىزىندا - ,3 دەيىن ۇلعايعان. ا. جۇماعۇلوۆ تۇتىنۋشىلىق نەسيەلەر مەن ءبولىپ تولەۋ قازاقستاندىقتاردىڭ تۇتىنۋشىلىق مىنەز-قۇلقىن وزگەرتىپ جاتىر دەپ سانايدى.

«18 جاستاعى جىگىت نەمەسە قىز ءوز جاسىندا مەرزىمى وتكەن نەسيە قالىپتى جاعداي دەپ ويلايدى جانە ءاردايىم نەسيە الا بەرەتىندەي كورەدى. مىسالى، 25 جاسىندا اۆتوكولىك نەسيەسىن العىسى كەلسە، 30 جاستا وتباسىن قۇرىپ، يپوتەكا العىسى كەلسە - مۇنى جاساي المايدى. ءبىز كليەنتتەردىڭ 87 پايىزىنا نەسيە تاريحى ناشار بولعاندىقتان، 31 پايىزىنا - تابىس جەتكىلىكسىز بولعاندىقتان نەسيە بەرۋدەن باس تارتامىز»، - دەدى ا. جۇماعۇلوۆ.

ايتا كەتەيىك، استانادا جىل سايىنعى ءداستۇرلى «Astana Finance Days 2024» باستالدى. بيىلعى باسقوسۋ «يننوۆاتسيا. ينۆەستيسيا. سەرپىن» تاقىرىبىندا وتەدى. وندا قارجى سەكتورىنداعى وزىق تەحنولوگيالار، قازاقستاننىڭ ينۆەستيسيالىق مۇمكىندىكتەرى جانە قارجىنىڭ ورنىقتى دامۋعا جانە قوعامداعى وڭ وزگەرىستەرگە اسەرى تالقىلانباق.

اۆتور

ايجان سەرىكجان قىزى