قازاقستاندىقتارعا ۋكراينادان كەتۋ ۇسىنىلدى - ەلشىلىك

استانا. KAZINFORM - قازاقستاننىڭ ۋكرايناداعى ەلشىلىگى ەل ازاماتتارىن ۋكراينادان كەتۋگە شاقىردى.

«ۋكراينادا ارتيللەريالىق اتقىلاۋ مەن اۋە شابۋىلدارىنىڭ جيىلىگىنىڭ ارتۋىنا بايلانىستى، قاۋىپسىزدىك ماقساتىندا قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا بەلسەندى ۇرىس قيمىلدارى جۇرگىزىلىپ جاتقان جەرلەرگە جاقىن اۋماقتاردى قالدىرۋ نەمەسە ۋكراينادان كەتۋ مۇمكىندىگىن قاراستىرۋدى ۇسىنادى. ەلشىلىك بارلىق ازاماتتاردى اۋە شابۋىلى تۋرالى ەسكەرتۋدى نازارعا الىپ، دەرەۋ باسپانالارعا بارۋعا، وزدەرىنىڭ قاۋىپسىزدىك شارالارىن ساقتاۋعا جانە رەسمي ورگانداردىڭ ۇسىنىستارىن ورىنداۋعا شاقىرادى. ۋكراينادان قازاقستانعا بارۋ ءۇشىن قازاقستان رەسپۋبليكاسىنىڭ ازاماتتارى جەرءۇستى باعىتتارىن: پولشا نەمەسە مولدوۆا ارقىلى، ودان ءارى كوممەرتسيالىق اۋە قاتىناسىن پايدالانا الاتىنىن ەسكەرەمىز»، - دەلىنگەن حابارلامادا.

پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى كەرەك. مولدوۆاعا كىرۋ ءۇشىن ۆيزا قاجەت ەمەس.

ەلشىلىكتىڭ كونسۋلدىق ءبولىمىنىڭ بايلانىس تەلەفوندارى: 4831596(044)38. 

قازاقستان ازاماتتارىنا ارنالعان سەنىم تەلەفونى (توتەنشە جاعداي كەزىندە): 380673470408+.

اۆتور

ايدار وسپاناليەۆ