Qazaqstandyqtar zi'atkerlik mens'ikke patent aly'da belsendi bola tu'sti
«Zi'atkerlik mens'ik nysandaryn tirkey'ge berilgen jalpy o'tinimder 2016 jylmen salystyrg'anda 2,5 pai'yzg'a artty. Ma'selen, tay'arlyq belgilerge berilgen o'tinimderdin' sany - 0,8, o'ner tabysqa - 0,6, pai'daly modelderge - 16,3, seleksi'alyq jetistikterge - 94, tay'ardyn' s'yqqan jerinin' atay'yna 100 pai'yzg'a artty», - dedi ol A'dilet mi'ni'strliginin' ken'ei'tilgen alqa ma'jilisinde.
Onyn' ai'ty'yns'a, elektrondy tu'rde berilgen o'tinimderdin' sany 47,5 pai'yzg'a artqan. Tolyqtai' alg'anda, memlekettik qyzmet ko'rsety'ge berilgen o'tinimderdin' sany 2,5 pai'yzg'a ulg'ai'g'an. 2016 jylmen salystyrg'anda pai'daly modelderge berilgen patentterdin' u'lesi 2,4 pai'yzg'a ko'bei'gen.
Sonymen qatar vi'se-mi'ni'strdin' so'zine qarag'anda, 2017 jyly tay'ar belgilerin pai'dalany' boi'yns'a zan'nama talaptarynyn' saqtaly'yna 208 teksery' ju'rgizilgen. Bul 2016 jylg'y teksery'lerden 13 faktige artyq.
«Teksery' na'ti'jesinde 168 quqyq buzy's'ylyq anyqtaldy. Salystyry' u's'in ai'tar bolsaq, 2016 jyly 67 quqyq buzy's'ylyq anyqtalg'an edi. QR A'kims'ilik quqyq buzy's'ylyq ty'raly kodeksinin' 158-baby boi'yns'a 167 a'kims'ilik is qozg'alyp, sottar 159 isti qarady. A'kims'ilik jay'apkers'ilikke 158 tulg'a tartyldy. Tag'y 8 a'kims'ilik is sot qaray'ynda», - dedi Natali'a Pan.