قازاقستاندىقتار وتىرىك مۇقتاجدارعا 6 ميلليارد تەڭگە جيناپ بەرگەن

استانا. KAZINFORM - ءتۇرلى كۇماندى ماقساتتارعا اقشا جيناۋعا 138 بانكتىك كارتا (كراۋدفاندينگكە) تارتىلعان، دەپ حابارلايدى قارجى مونيتورينگى اگەنتتىگىنىڭ باسپا ءسوز قىزمەتى.

جالعان كومەك سۇراۋشىلارعا 660 مىڭنان استام قازاقستاندىق ءوز اقشالارىن جولداعان.

بۇل تۋرالى ق م ا الاڭىندا دميتري مالاحوۆتىڭ توراعالىعىمەن وتكەن قىلمىستىق جولمەن الىنعان كىرىستەردى زاڭداستىرۋدىڭ (جىلىستاتۋدىڭ) الدىن الۋ جانە تەرروريزمدى قارجىلاندىرۋ مەن جاپپاي قىرىپ-جويۋ قارۋىن تاراتۋ ماسەلەلەرى جونىندەگى ۆەدومستۆوارالىق كەڭەستىڭ كەزەكتى وتىرىسى بارىسىندا بەلگىلى بولدى.

جالپى جينالعان قارجى سوماسى 6 ميلليارد تەڭگەنى قۇرادى، ونىڭ 3 (2 ميلليارد) الاياقتىق بەلگىلەرى بار.

الەۋمەتتىك جەلىلەردە ۇجىمدىق قاراجات جيناۋدىڭ قاۋىپتەرى جانە ولاردى ودان ءارى ماقساتسىز پايدالانۋ انىقتالدى.

ق م ا باسشىسى د. مالاحوۆ جوسىقسىز ازاماتتار «ەم» جانە «جاعدايى تومەن ادامدارعا كومەك كورسەتۋ» ءۇشىن قايىرىمدىلىق قىزمەتى مەن كومەك كورسەتۋ تۇرىندەگى قاراجات جيناۋدى كەدەرگىسىز جانە باقىلاۋسىز جۇزەگە اسىراتىنىن اتاپ ءوتتى.

ولار اقشانى جىلجىمالى جانە جىلجىمايتىن مۇلىكتى ساتىپ الۋعا، تۇرمىستىق شىعىندارعا، بۋكمەكەرلىك كەڭسەلەردە ءباس تىگۋگە جانە شەتەلدەگى قىمبات پاتەرلەردى جالعا الۋعا جۇمسايدى.

جاناشىر ازاماتتاردىڭ جاقسى نيەتى، «جالعان» مۇقتاجدار ءۇشىن وڭاي تابىسقا اينالۋى مۇمكىن.

وتىرىسقا قاتىسۋشىلار – ا ح ق و، قارجى رەتتەۋشىلەرى جانە ەكىنشى دەڭگەيلى بانكتەردىڭ وكىلدەرى - كراۋدفاندينگتىك قىزمەتتى رەتتەۋ بويىنشا زاڭنامالىق شارالاردى ازىرلەۋ قاجەتتىگىن اتاپ ءوتتى.

كراۋدفاندينگ - بۇل جوبالاردى، باستامالاردى جانە ستارتاپتاردى قارجىلاندىرۋ ءۇشىن قولدانىلاتىن اقشا جيناۋدىڭ يننوۆاتسيالىق ءتاسىلى.

اۆتور

ەربول جانات