قازاقستاندىقتار تايلاندقا ۆيزاسىز نەشە كۇنگە بارا الادى؟
استانا. KAZINFORM - قازاقستان تۇرعىندارى تايلاندتا ۆيزاسىز 60 كۇن بولا الادى، - دەپ حابارلايدى Business Standart.
تايلاندتىڭ ىشكى ىستەر مينيسترلىگى 93 ەل مەن اۋماققا، سونىڭ ىشىندە قازاقستان ءۇشىن ۆيزاسىز رەجيمدى ۇزارتۋ جايلى شەشىم قابىلدادى. بۇعان دەيىن قازاقستان ازاماتتارى تايلاندتا تەك 30 كۇن ۆيزاسىز قالا الاتىن.
«بۇل ەلدەردىڭ ازاماتتارى تايلاندقا تۋريستىك نەمەسە قىسقا مەرزىمدى ءىس ساپارلار ءۇشىن ۆيزاسىز 60 كۇن بولا الادى»، - دەدى ىشكى ىستەر مينيسترلىگىنىڭ وكىلى ترايسۋري تايساراناكۋل.
ول سونداي-اق تۇرعىندارى تايلاندقا كەلىپ ۆيزا الا الاتىن ەلدەردىڭ سانى 19 دان 31 گە دەيىن ارتقانىن ايتتى. جاڭا ۆيزاسىز رەجيمنىڭ ارقاسىندا قازاقستان جانە باسقا دا ەلدەردىڭ ساياحاتشىلارى تايلاندقا كەلەردە جانە كەلگەننەن كەيىن ۆيزا الماي كىرە الادى. دەسە دە، ولار شەكارادا باقىلاۋدان وتەدى جانە ولاردىڭ پاسپورتى تەكسەرىلەدى.