قازاقستاندىقتار رەسەيلىك «ورەشنيك» بالليستيكالىق زىمىرانى ۇشىرىلعانىن كوردى - فەيك

استانا. قازاقپارات - Telegram ارنالارىنىڭ بىرىندە ساتبايەۆ قالاسىنىڭ تۇرعىندارى رەسەيلىك «ورەشنيك» بالليستيكالىق زىمىرانىنىڭ ۇشىرىلۋىن كورگەنى تۋرالى اقپارات تارادى. بۇل كەشە، 21-قاراشادا بولعان. بۇل جالعان، دەپ حابارلايدى stopfake.kz.

قازاقستان تۇرعىندارى رەسەيلىك «سويۋز-2.1ا» زىمىرانىن كورگەن بولار. ول 21-قاراشا كۇنى بايقوڭىر عارىش ايلاعىنان ۇشىرىلعان زىمىران بورتىندا «پروگرەسس م س-29» جۇك كەمەسى بار. بۇل تۋرالى رەسەيدىڭ «ر ي ا نوۆوستي» اقپاراتتىق اگەنتتىگى حابارلادى.

«بايقوڭىر عارىش ايلاعىنان «پروگرەسس م س-29» جۇك كەمەسى بار «سويۋز-2.1ا» زىمىرانى ۇشىرىلدى. ول كەمەنى تومەن جەر وربيتاسىنا شىعاردى. حالىقارالىق عارىش ستانتسياسىنا ەكى كۇندە جەتەدى، ح ع س رەسەيلىك سەگمەنتىنىڭ «ىزدەۋ» مودۋلىنە 23-قاراشادا ماسكەۋ ۋاقىتىمەن ساعات 17:36 قونادى دەپ جوسپارلانعان»، - دەپ حابارلادى ر ي ا نوۆوستي اگەنتتىگى.

بۇعان دەيىن حابارلاعانىمىزداي، ماسكەۋ ۇرىس جاعدايىندا ورتاشا قاشىقتىققا باعىتتالاتىن بالليستيكالىق زىمىراندى ۇشىراتىنى تۋرالى پەنتاگونعا ەسكەرتكەن.