قازاقستاندىقتار قىتايداعى ازيا پارا ويىندارىنىڭ سالتاناتتى اشىلۋىنا قاتىستى
قىتايدىڭ حاڭجوۋ قالاسىنداعى «ۇلكەن لوتوس» وليمپيادا ستاديونىندا IV ازيا پارا ويىندارىنىڭ اشىلۋ سالتاناتى ءوتتى، دەپ حابارلايدى Kazinform.
تۋريزم جانە سپورت مينيسترلىگىنەن ءمالىم ەتكەندەي، ويىنداردىڭ اشىلۋ راسىمىندە ەلىمى تۋىن پاراۆولەيبولدان ازيا چەمپيوناتىنىڭ كۇمىس جۇلدەگەرى جانعالي سۇيەۋوۆ جانە پاراۇستەل تەننيسىنەن حالىقارالىق جارىستاردىڭ چەمپيونى التىناي ەرجان قىزى ۇستاپ شىقتى.
تۋريزم جانە سپورت ءمينيسترى ەرمەك مارجىقپايەۆ ويىندارعا قاتىسۋشىلاردى قۇتتىقتاپ، سپورتشىلارىمىزدى قولداۋعا شاقىردى.
«پارا سپورتشىلاردىڭ مۇنداي ءىرى دوداعا قاتىسۋىنىڭ ءوزى - ۇلكەن جەڭىس. تاعدىردىڭ توسىن سىناعىنا سىنىپ كەتپەي، ەرىك- جىگەرىنىڭ، سپورتقا دەگەن قۇشتارلىعىنىڭ ارقاسىندا وسىنداي دارەجەگە جەتىپ وتىر»، - دەدى مينيستر.
ايتا كەتەيىك، قازاننىڭ 22-28 ارالىعىندا وتەتىن سپورتتىق دوداعا 43 مەملەكەتتەن 4 مىڭعا جۋىق سپورتشى قاتىسىپ، 485 مەدال جيىنتىعىن ساراپقا سالادى.
بايراقتى باسەكەدە 131 قازاقستاندىق سپورتتىڭ 14 تۇرىنەن ونەر كورسەتەدى. ۇلتتىق قۇراما كومانداسىن IV ازيا پارا ويىندارىنا شىعارىپ سالۋ ءراسىمى 13 قازاندا الماتى قالاسىندا وتكەن ەدى.
ەسكە سالايىق، قىتايدىڭ حاڭجوۋ قالاسىندا XIXازيا ويىندارى 23-قىركۇيەك – 8-قازان ارالىعىندا ءوتتى. وندا 30 سپورت تۇرىنەن 524 قازاقستاندىق باق سىناپ، ناتيجەسىندە 80 مەدال جەڭىپ الدى. جالپىكوماندالىق ەسەپتە ق ر قۇراماسى 11-ورىنعا تۇراقتادى.
ەندى ازيا ويىندارىن 2026 -جىلى 19-قىركۇيەك پەن 4-قازان ارالىعىندا جاپونيانىڭ ناگويا قالاسى قابىلدايدى.