قازاقستاندىقتار قۇربان ايتقا وراي قالاي دەمالادى؟
استانا. قازاقپارات - 2025-جىلعى ماۋسىمدا قوسىمشا دەمالىس كۇنى بار. 6-ماۋسىمدا (جۇما) قۇربان ايت مەرەكەسىنە بايلانىستى دەمالىس بولادى.
بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.
«قازاقستان مۇسىلماندارى ءدىني باسقارماسىنىڭ مالىمەتىنە سايكەس 2025-جىلى قۇربان ايت مەرەكەسى 6-ماۋسىمعا سايكەس كەلەدى. وسىلايشا 6-ماۋسىم (جۇما) دەمالىس كۇنى بولىپ ەسەپتەلەدى»، - دەدى مينيسترلىك وكىلدەرى.
سونداي-اق، مينيسترلىك 2025-جىلعى ماۋسىمدا باسقا دەمالىس كۇندەرىن اۋىستىرۋ جوسپارلانباعانىن ناقتىلادى.
قۇربان ايت
ماۋسىمدا قازاقستاندا مۇسىلمانداردىڭ ماڭىزدى مەرەكەلەرىنىڭ ءبىرى قۇربان ايت اتاپ وتىلەدى. بيىل قۇربان ايتتىڭ ءبىرىنشى كۇنى 6-ماۋسىمعا سايكەس كەلەدى. سوندىقتان قازاقستاندىقتار ءۇش كۇن قاتارىنان دەمالادى:
اپتاسىنا بەس كۇن جۇمىس ىستەيتىندەر ءۇشىن 6، 7، 8-ماۋسىم - دەمالىس كۇندەرى.
اپتاسىنا التى كۇن جۇمىس ىستەيتىندەر ءۇشىن: 6-ماۋسىم - دەمالىس، 7-ماۋسىم - جۇمىس كۇنى، 8-ماۋسىم - دەمالىس.
قۇربان ايت قانداي مەرەكە؟
قۇربان ايت - مۇسىلمانداردىڭ ەڭ قاسيەتتى مەرەكەسى. ول ورازا ايتتان كەيىن 70 كۇننەن سوڭ باستالىپ، 3 كۇنگە سوزىلادى. بۇل كەزدە ءاربىر مۇسىلمان مۇمكىندىگى بولسا قۇربان شالادى، مال سويادى.
ماۋسىمدا قانشا كۇن دەمالىس بار؟
ماۋسىمدا بەس كۇن جۇمىس ىستەيتىندەر ءۇشىن ون كۇن دەمالىس بار، ال التى كۇن جۇمىس ىستەيتىندەر ءۇشىن التى كۇن دەمالىس بار.