جاڭا نورمالار 2025 -جىلعى 13- ناۋرىزدان باستاپ كۇشىنە ەندى.
- دەربەس دەرەكتەر جانە ولاردى قورعاۋ تۋرالى زاڭنامانى بۇزۋ، اتاپ ايتقاندا، دەربەس دەرەكتەردى زاڭسىز جيناۋ، وڭدەۋ جانە ولاردى قورعاۋ شارالارىن ساقتاماۋ ءۇشىن ق ر ا ق ب ت ك- ءنىڭ 79-بابى بويىنشا اكىمشىلىك ايىپپۇلداردىڭ مولشەرى ءۇش ەسە ۇلعايتىلادى. بۇرىن ايىپپۇلدار قۇقىق بۇزۋشىلىقتىڭ قۇرامىنا جانە كاسىپكەرلىك سۋبەكتىسىنىڭ ساناتىنا بايلانىستى 10-نان 1000 ا ە ك- كە دەيىن وزگەرىپ وتىرعان. ەندى ولار 30-دان 2000 ا ە ك- كە دەيىن ۇلعايتىلادى، - دەلىنگەن حابارلامادا.
بۇدان بولەك، قازاقستان رەسپۋبليكاسىنىڭ ەلەكتروندىق قۇجات جانە ەلەكتروندىق سيفرلىق قولتاڭبا تۋرالى زاڭناماسىن بۇزعانى ءۇشىن ق ر ا ق ب ت ك- ءنىڭ 640-بابى بويىنشا جاڭا اكىمشىلىك قۇقىق بۇزۋشىلىق ءتۇرى كۇشىنە ەنەدى. ياعني، باسقا ادامنىڭ ە س ق كىلتىن پايدالانعانى ءۇشىن اكىمشىلىك جاۋاپكەرشىلىك قاراستىرىلادى.
- بۇعان دەيىن اكىمشىلىك جاۋاپكەرشىلىك تەك ە س ق كىلتىن ءۇشىنشى تۇلعالارعا زاڭسىز بەرۋ جانە ونى قورعاۋ بويىنشا تىركەۋ كۋالىگىنىڭ يەسى تاراپىنان قاجەتتى شارالاردى قابىلداماۋ جاعدايلارىنا عانا قولدانىلاتىن. ەندى وزگەرىستەر كۇشىنە ەنگەننەن كەيىن، ە س ق- نى زاڭسىز بەرگەن دە، ونى پايدالانعان تۇلعالار جاۋاپكەرشىلىككە تارتىلادى.
قابىلدانعان شارالار ازاماتتاردىڭ جەكە دەرەكتەرىن قورعاۋدى كۇشەيتۋگە، ەلەكتروندى سيفرلىق قولتاڭبانى پايدالانۋ قاۋىپسىزدىگىن قامتاماسىز ەتۋگە جانە ە س ق- عا بايلانىستى الاياقتىق ارەكەتتەردى ازايتۋعا، سونداي-اق اقپاراتتاندىرۋ سالاسىنداعى بۇزۋشىلىقتار ءۇشىن جاۋاپكەرشىلىكتى ارتتىرۋعا باعىتتالعان.