قازاقستاندىقتار كيىم-كەشەكتى قىتاي مەن تۇركيادان ەمەس، ميانما مەن ءۇندىستاننان اكەلە باستادى

استانا. KAZINFORM - قازاقستان نارىعى الىس شەتەلدەردىڭ تاۋارىمەن تولىعا باستادى. وسى جىلدىڭ قاڭتار- شىلدە ايلارىندا ەلىمىزگە شەتەلدەن 85,5 مىڭ توننا كيىم ساۋدا-ساتتىق ءۇشىن اكەلىنگەن. بۇل وتكەن جىلدىڭ كورسەتكىشىمەن سالىستىرعاندا %13,4 عا از. كيىم-كەشەك تاسىمالداۋ بارىسىندا قازاقستانعا جاسالعان يمپورت كولەمى 702,2 ميلليون دوللارعا جەتكەن.

ساۋدالانعان تاۋاردىڭ دەنى - وزبەكستاننان (10,8 مىڭ توننا)، قىتايدان (5,6 مىڭ توننا) جانە تۇركيادان (1,6 مىڭ توننا) اكەلىنگەن.

كۇندەلىكتى كيەتىن كيىمدەردىڭ 59,9 تونناسى ءۇندىستاننان جانە 14,3 تونناسى پورتۋگاليادان جەتكىزىلگەن.

وتاندىق نارىقتا يمپورتتىق كوستيۋم- شالبار مەن كويلەكتەردىڭ ساتىلىمى كولەمى %,4 عا ازايعانىن بايقاۋعا بولادى. قالاي دەسەك تە، قازاقستان نارىعى ءۇشىن نەگىزگى تاۋار جەتكىزۋشى قىتاي بولىپ قالا بەرەدى. وتكەن جىلمەن سالىستىرعاندا 1,5 ەسە از بولسا دا، قىتايدان جەتكىزىلىپ جاتقان كيىم- كەشەك كولەمى 9,9 مىڭ توننانى قۇراپ وتىر.

ءبىر ەسكەرەتىن جايت، سوڭعى كەزدە ەلىمىزگە وزگە ەلدەردەن دە كيىم-كەشەك كوپتەپ اكەلىنە باستادى. ماسەلەن، جىل باسىنان بەرى بانگلادەشتەن - 1,1 مىڭ توننا، رەسەيدەن - 997,7 توننا، پاكىستاننان- 169,4 توننا جانە رۋمىنيادان 6,4 توننا كيىم اكەلىندى.

قازاقستان نارىعىندا پالتو، كۇرتەشەلەردىڭ يمپورتى #,4 عا، ياعني 5,5 مىڭ تونناعا دەيىن قىسقاردى. ەل ەكونوميكاسى شامامەن 143,7 ميلليون ا ق ش دوللارىن جوعالتتى دەپ ەسەپتەۋگە بولادى. كەرەك.

ەلىمىزگە بيىل سىرت كيىم قىتايدان 4,6 مىڭ توننا، ميانمادان 146,3 توننا، يندونەزيادان - 19,7 توننا، يتاليادان 10,6 توننا، ۇلى بريتانيادان 1,7 توننا جەتكىزىلدى.

تۇرمىستىق حيميا ونىمدەرى قىمباتتادى

قىركۇيەك ايىندا ەلىمىز بويىنشا سالماعى 500 گرامدىق كىر جۋعىش ۇنتاقتىڭ ورتاشا قۇنى وتكەن جىلدىڭ وسى ايىمەن سالىستىرعاندا %9,3 عا، دەيىن تومەندەپ، ءبىر قوراپ ۇنتاقتىڭ باعاسى 802 تەڭگەگە باعالانعان. الايدا، الماتى مەن شىمكەنت قالالارىندا كىر جۋعىش ۇنتاقتىڭ باعاسى 910 تەڭگەدەن تۇسپەي تۇر.

ۇنتاق ارزانداعانىمەن، ەسەسىنە ەلىمىزدە سۋسابىن مەن سابىننىڭ، سونداي-اق، ءتىس پاستاسىنىڭ باعاسى شارىقتاپ كەتتى.

اتاپ ايتقاندا، 200 ميليگرام سۋسابىننىڭ قۇنى 1183 تەڭگەگە ءوسىپ، ول الماتى قالاسىندا 1397 تەڭگەگە، شىمكەنتتە 1271 تەڭگەگە، ال استانادا 1249 تەڭگەگە ساۋدالانىپ جاتىر.

سابىن باعاسى استانادا ورتا ەسەپپەن العاندا 633 تەڭگە، اتىراۋدا 632 تەڭگە، ال تارازدا 611 تەڭگەدەن باعالانعان. سونىمەن قاتار، سابيلەرگە ارنالعان سابىن باعاسى - استانا مەن الماتى قالالارىندا 456-457 تەڭگە، قونايەۆ قالاسىندا 443 تەڭگە بولىپ تۇر.

ەسكە سالا كەتسەك، ەلىمىزگە سۋسابىن رۋمىنيا مەن فرانسيادان ال ءتىس پاستاسى يرلانديادان جەتكىزىلەدى.

رەسەي نەگە قىرىن قارادى؟

جىل باسىنان بەرى رەسەيگە قىزاناق ەكسپورتتاۋ بارىسىندا ەلىمىز 20 ميلليون دوللاردان استام پايدا تاپقان ەدى. الايدا، قىركۇيەك ايىنان باستاپ كورشى ەل قىزاناقپەن قاتار، بىرنەشە ءونىم تۇرلەرىن قازاقستاننان كىرگىزۋگە تىيىم سالدى.

روسسەلحوزنادزور 23-قىركۇيەكتەن باستاپ قازاقستاندىق بيداي، استىق ونىمدەرى مەن كۇنباعىس دانىنە، قىزاناق پەن ءدامدى بولگار بۇرىشىنا فيتوسانيتاريالىق سەرتيفيكاتتار بەرۋدى اۆتوماتتى تۇردە بۇعاتتايتىنىن مالىمدەدى. بۇل سەرتيفيكات بولماسا، اۋىلشارۋاشىلىق ونىمدەرى رەسەي شەكاراسى ارقىلى وتە المايدى.

2024 -جىلعى قاڭتار- شىلدە ايلارىندا قازاقستاننان رەسەيگە $20,3 ميلليون دوللارعا 13 مىڭ توننا قىزاناق ەكسپورتتالدى، ياعني، رەسەي فەدەراتسياسى قازاقستاندىق ەكسپورتتاۋشىلار ءۇشىن پايدا تاباتىن جالعىز نارىق ەدى.

سونداي-اق، بولگار بۇرىشىنىڭ دا � ى رەسەيگە جونەلتىلەتىن. وسى جىلدىڭ جەتى ايىندا اتالعان كوكونىستىڭ 447 تونناسى كورشى ەلگە جىبەرىلگەن. ال، بيدايعا كەلەتىن بولساق، ونىڭ رەسەيگە ەكسپورتتىق ۇلەسى شامالى %0,1 عانا نەمەسە جالپى ەسەپپەن العاندا 3,2 مىڭ توننا.

ەستەرىڭىزگە سالا كەتەيىك، بۇعان دەيىن قازاقستان ۇكىمەتى 2024 -جىلى 21-تامىزى – 31-جەلتوقسان ارالىعىندا ءۇشىنشى تاراپ ەلدەرىنەن جانە ە ا ە و-دان بيداي يمپورتىنا تىيىم سالعان بولاتىن.

بۇل شەشىم ىشكى نارىقتى قورعاۋ جانە استىقتى قايتا ەكسپورتتاۋ فاكتىلەرىن بولدىرماۋ ءۇشىن ەنگىزىلگەن-دى. ساراپشىلاردىڭ پايىمىنشا، قازاقستاننىڭ وسى قادامى كورشىلەس ەلگە ۇناماي قالۋى مۇمكىن.

 

inbusiness.kz