قازاقستاندىقتار كوبىندە قاي مەرەكەدە جاراقات الادى
استانا. KAZINFORM - دەنساۋلىق ساقتاۋ مينيسترلىگى ۇيىمداستىرعان باسپا ءسوز- تۋر اياسىندا ب ا ق وكىلدەرىمەن كەزدەسكەن ن. ج. باتپەنوۆ اتىنداعى ۇلتتىق تراۆماتولوگيا جانە ورتوپەديا ورتالىعى ديرەكتورىنىڭ ورىنباسارى ارمان باتپەن ەلدەگى جاراقات ەڭ كوپ تىركەلەتىن ماماندىقتاردى اتادى.
ب ا ق وكىلدەرى تۇرعىندار ەڭ كوپ جاراقات الاتىن مەيرامداردىڭ العاشقى ۇشتىگىن سۇراعان.
«جاراقات ەڭ كوپ تىركەلەتىن مەيرامداردىڭ كوشىن جاڭا جىل باستاپ تۇر. ودان كەيىن 8-ناۋرىز مەرەكەسى. ءۇشىنشى ورىندا ناۋرىز مەرەكەسىنىڭ دەمالىس كۇندەرى مەن مامىر ايىنداعى مەيرامدار تۇر دەۋگە بولادى. ءبىز ءار مەيرامنىڭ ناقتى ستاتيستيكاسىن بەرە المايمىز. ويتكەنى ءبىز ونداي ستاتيستيكا جۇرگىزبەيمىز»، - دەدى مامان.
سونداي-اق، ول ەلدە ەڭ كوپ جاراقات تىركەلەتىن ماماندىقتاردىڭ العاشقى بەستىگىن اتادى.
«ءبىرىنشىسى - قۇرىلىسشى ماماندىعى. ودان كەيىن جۇرگىزۋشىلەر كوپ جاراقات الادى. ءۇشىنشى ورىندا شاحتەرلەر بولسا، ءتورتىنشى ورىندا پوليتسيا قىزمەتكەرلەرى ءجيى تۇسەدى. بەسىنشى - ءارتۇرلى قارا جۇمىس ىستەيتىن ازاماتتار»، - دەدى ارمان باتپەن.
اۆتور
ەسىمجان ناقتىباي