قازاقستاندىقتار جاڭا ۇلگىدەگى جەكە كۋالىكتەردى الا باستادى
استانا. KAZINFORM - جاڭا ۇلگىدەگى قۇجاتتا جەكە كۋالىك يەسىنىڭ ازاماتتىعى مەن جىنىسى تۋرالى دەرەكتەر كورسەتىلەدى. بۇرىن بۇل مالىمەتتەر جەكە كۋالىككە سالىنعان چيپتە بولاتىن.
جەكە كۋالىكتىڭ جاڭا ديزاينى بيۋدجەتتەن شىعىن تالاپ ەتپەيدى جانە ازاماتتاردىڭ جاڭا قۇجاتتاردى شىعارۋ ءۇشىن تولەيتىن مەملەكەتتىك باج مولشەرىنە اسەر ەتپەيتىنىن اتاپ وتكەن ءجون. (2024 -جىلى مەملەكەتتىك باج مولشەرى - 738,4 تەڭگە).
جارامدىلىق مەرزىمى اياقتالماعان جەكە كۋالىكتەر بۇدان ءارى دە جارامدى بولىپ تابىلادى.
قازاقستاندىقتار جاڭا ديزايندى جەكە كۋالىكتەردى تەك قۇجاتىنىڭ مەرزىمى اياقتالعان كەزدە نەمەسە ولاردى باسقا دا سەبەپتەرمەن اۋىستىرۋى كەرەك بولعان كەزدە الا الادى. ياعني، ءبىر مەزگىلدە جاپپاي قۇجات اۋىستىرۋ بولمايتىنىن ەسكە سالعان ءجون.
ەستەرىڭىزگە سالساق، بۇعان دەيىن ىشكى ىستەر مينيسترلىگى جەكە كۋالىكتىڭ ۇلگىسىن وزگەرتۋدى كوزدەيتىن نورماتيۆتىك قۇجاتتىڭ جوباسىن اشىق تالقىلاۋعا شىعارعان بولاتىن.