قازاقستاندىقتار iPhone 16 الۋ ءۇشىن قانشا جالاقىسىن جۇمساۋى كەرەك؟
استانا. KAZINFORM - قازاقستاندىقتار iPhone 16 الۋ ءۇشىن قانشا جالاقىسىن جۇمساۋى كەرەگى انىقتالدى، - دەپ حابارلايدى Kursiv.kz.
2024-جىلى جارىق كورگەن Apple كومپانياسىنىڭ iPhone 16 Pro جانە iPhone 16 Pro Max مودەلدەرى قازاقستانداعى Kaspi ماركەتپلەيسىندە ساتىلىمعا شىقتى. ەلدەگى ورتاشا ايلىق جالاقى 382 مىڭ تەڭگە بولسا، قازاقستاندىقتار جادى 1TB جاڭا تەلەفوندى الۋ ءۇشىن ءۇش ايدان استام ۋاقىت جۇمىس ىستەۋگە ءماجبۇر بولادى.
Kaspi ماركەتپلەيسىندە Apple سمارتفونىنىڭ جاڭا مودەلى پايدا بولعان. سمارتفوندى كىشىگىرىم ەلەكتروندى دۇكەندەردەن الۋعا بولادى. ال Sulpak نەمەسە «تەحنودوم» سىندى ءىرى ەلەكترونيكا دۇكەندەرىندە جاڭا iPhone 16 ءالى ساتىلىمعا شىقپاعان.
جاڭا سمارتفونداردىڭ باعاسى
IPhone 16 Pro قۇنى:
جاد كولەمى 128 گ ب - 724,8 مىڭ تەڭگە،
جاد كولەمى 256 گ ب - 767,7 مىڭ تەڭگە،
جاد كولەمى 512 گ ب - 995,8 مىڭ تەڭگە،
جاد كولەمى 1 ت ب - 1,1 ميلليون تەڭگە.
IPhone 16 Pro Max قۇنى:
جاد كولەمى 256 گ ب - 918,3 مىڭ تەڭگە،
جاد كولەمى 512 گ ب - 1,09 ميلليون تەڭگە،
جاد كولەمى 1 ت ب - 1,2 ميلليون تەڭگە.
128 گبايت iPhone 16 Pro ەڭ ارزان مودەلىنىڭ باعاسى سمارتفوننىڭ تۇسىنە بايلانىستى 724 مىڭ تەڭگەدەن باستاپ وزگەرەدى. ەڭ قىمبات مودەل - قارا ءتۇستى 1TB- دە iPhone 16 Pro Max بولسا 1287893 تەڭگە تۇرادى.
ستاتيستيكا كوميتەتىنىڭ اقپاراتىنا سۇيەنسەك، قازاقستاندا 2024-جىلدىڭ ءۇشىنشى توقسانىندا ورتاشا جالاقى 382 مىڭ تەڭگە بولعان. ياعني ەڭ ارزان iPhone 16 Pro مودەلىن الۋ ءۇشىن ەكى ايلىق، ەڭ قىمبات iPhone 16 Pro Max مودەلىن الۋ ءۇشىن ءتورت ايلىق جالاقىنى جۇمساۋ كەرەك.
كوميتەتتىڭ اقپاراتىنا سۇيەنسەك، ەلدە ەڭ از جالاقىنى بالىقشىلار الادى - 134 مىڭ تەڭگە. بالىقشىلار 1TB- دە iPhone 16 Pro Max قۇنى 1287893 تەڭگە بولاتىن سمارتفوندى الۋ ءۇشىن 10 ايلىق جالاقىسىن جيناۋى كەرەك. ال رەسمي دەرەكتەر بويىنشا ەڭ كوپ جالاقى الاتىن، ياعني ايىنا 1 ميلليون 372 مىڭ تەڭگە تاباتىن ساقتاندىرۋ سالاسىنىڭ ماماندارى ەڭ قىمبات iPhone-دى ءبىر جالاقىسىنا الا الادى.