قازاقستاندىقتار شىلدە ايىندا قانشا كۇن دەمالادى

استانا. KAZINFORM - بيىل شىلدەدە قازاقستاندىقتار دەمالىس جانە مەرەكە كۇندەرىن قوسا العاندا، 9 كۇن دەمالادى.

6 -شىلدە استانا كۇنى اتاپ وتىلەدى. بۇعان قوسا، شىلدە ايىندا كاسىبي مەرەكەلەر دە بار، الايدا ولار قوسىمشا دەمالىس كۇندەرىمەن بەكىتىلمەگەن.

بيىل استانا كۇنى جەكسەنبىگە ءتۇسىپ تۇر، سوندىقتان دەمالىس كۇنى دۇيسەنبىگە، 7 -شىلدەگە اۋىستىرىلادى. بۇل قازاقستاندىقتارعا ۇزاق دەمالۋعا مۇمكىندىك بەرىپ وتىر. بۇل التى كۇندىك جۇمىس كەستەسىمەن ىستەيتىندەرگە دە قاتىستى.

دەمالىس كەستەسى:

- بەس كۇندىك جۇمىس اپتاسى: دەمالىس كۇندەرى - 5, 6 جانە 7 - شىلدە؛

- التى كۇندىك جۇمىس اپتاسى: 5 شىلدە - جۇمىس كۇنى، 6 جانە 7 - شىلدە - دەمالىس.

شىلدە ايىندا كاسىبي جانە باسقا دا مەرەكەلەر بار. بۇل كۇندەر جۇمىس كۇندەرى بولسا دا، ولار اتالىپ ءوتىپ، ءتيىستى سالا قىزمەتكەرلەرى قۇتتىقتالادى.

كاسىبي مەرەكەلەر ءتىزىمى ەڭبەك جانە حالىقتى الەۋمەتتىك قورعاۋ ءمينيسترىنىڭ مىندەتىن اتقارۋشىنىڭ 2023 -جىلعى 17- قاراشاداعى № 480 بۇيرىعىنا سايكەس جاريالانعان جانە ول العاش رەسمي جاريالانعان كۇنىنەن باستاپ كۇشىنە ەنگەن.

قازاقستانداعى كاسىبي مەرەكەلەر:

2 شىلدە - ديپلوماتيالىق قىزمەت كۇنى؛

6 شىلدە - ۇلتتىق دومبىرا كۇنى (شىلدەنىڭ ءبىرىنشى جەكسەنبىسى)، تەڭىز جانە وزەن كولىگى قىزمەتكەرلەرى كۇنى؛

9 شىلدە - سۋ شارۋاشىلىعى قىزمەتكەرلەرىنىڭ كۇنى؛

10 شىلدە - ۆەتەريناريا قىزمەتكەرلەرى كۇنى؛

13 شىلدە - ۇلتتىق قاۋىپسىزدىك ورگاندارى كۇنى، بالىق شارۋاشىلىعى قىزمەتكەرلەرىنىڭ كۇنى (شىلدەنىڭ ەكىنشى جەكسەنبىسى)؛

14 شىلدە - نوتاريات كۇنى؛

20 شىلدە - مەتاللۋرگ كۇنى (شىلدەنىڭ ءۇشىنشى جەكسەنبىسى)؛

27 شىلدە - ساۋدا قىزمەتكەرلەرىنىڭ كۇنى (شىلدەنىڭ ءتورتىنشى جەكسەنبىسى).

ب ۇ ۇ كۇنتىزبەسى بويىنشا حالىقارالىق كۇندەر:

6 شىلدە - حالىقارالىق كووپەراتيۆتەر كۇنى؛

9 شىلدە - اتىس قارۋىن جويۋدىڭ حالىقارالىق كۇنى؛

11 شىلدە - دۇنيەجۇزىلىك حالىق سانى كۇنى؛

15 شىلدە - جاستاردىڭ داعدىلارىنىڭ دۇنيەجۇزىلىك كۇنى؛

18 شىلدە - نەلسون ماندەلا كۇنى؛

25 شىلدە - باتىپ كەتۋدىڭ الدىن الۋ كۇنى؛

26 شىلدە - مانگر ەكوجۇيەلەرىن ساقتاۋ حالىقارالىق كۇنى؛

28 شىلدە - ۆيرۋستى گەپاتيتكە قارسى كۇرەستىڭ دۇنيەجۇزىلىك كۇنى؛

30 شىلدە - ادام ساۋداسىنا قارسى كۇرەستىڭ دۇنيەجۇزىلىك كۇنى؛ حالىقارالىق دوستىق كۇنى.

جاقىندا عانا ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا مەرەكەدەگى دەمالىس كۇنىن باسقا جۇمىس كۇنىنە اۋىستىرۋ تارتىبىنە قاتىستى دەپۋتاتتىق ساۋالعا جاۋاپ بەرگەن ەدى.