قازاقستاندىقتار شەنگەن ۆيزاسىن الۋعا رەكوردتى ءوتىنىم بەرگەن

استانا. KAZINFORM - قازاقستانداعى شەنگەن كونسۋلدىعى 160 مىڭ ۆيزالىق ءوتىنىمدى وڭدەگەن.

«قازاقستانداعى شەنگەن كونسۋلدىعى ۆيزالىق وتىنىشتەردىڭ رەكوردتىق سانىن وڭدەدى - 160 مىڭ. بۇل ءبىزدىڭ قارىم-قاتىناستىڭ سەرپىندى ديناميكالىق دامۋىنىڭ كورسەتكىشى»، - دەدى ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى، ەۋروكوميسسيانىڭ ۆيتسە-پرەزيدەنتى جوزەپ بوررەل استاناعا رەسمي ساپارىندا ب ا ق وكىلدەرى الدىندا مالىمدەمە جاساپ.

ونىڭ ايتۋىنشا، ە و مەن قازاقستان اراسىنداعى اۋە قاتىناسىن دامىتۋعا ىقپال ەتەتىن اۆياتسيالىق كەلىسىم دايىن.

سونداي-اق، جوعارعى وكىل ەۋروپا كومانداسىنىڭ قۇنى 20 ميلليون ەۋرو بولاتىن سيفرلىق سپۋتنيكتىك بايلانىس باستاماسىن جۇزەگە اسىرۋ باعىتىندا جۇمىستىڭ جالعاسىپ جاتقانىن ايتتى. الدىمەن قاۋىپسىز سپۋتنيكتىك بايلانىس ساياساتى مەن نورماتيۆتىك بازانى ازىرلەۋ قاجەت.

بۇعان دەيىن قازاقستاندىقتار ءۇشىن ەۋرووداق ەلدەرىنە ۆيزالىق رەجيم جۋىردا جەڭىلدەۋى مۇمكىن ەكەندىگى تۋرالى حابارلاعان ەدىك.

ايتا كەتەيىك، بيىل 5 ايدىڭ ىشىندە قازاقستان مەن ەۋرووداق اراسىنداعى ساۋدا اينالىمى 20,2 ميلليارد دوللارعا جەتكەن.