قازاقستاندىقتار استانا كۇنىندە قالاي دەمالادى؟

استانا. KAZINFORM - قازاقستاندىقتار استانا كۇنىندە قالاي دەمالاتىنى بەلگىلى بولدى، - دەپ حابارلايدى Massaget.kz ءتىلشىسى.

بيىل 6-شىلدە، ياعني استانا كۇنى - مەملەكەتتىك مەرەكە، سەنبىگە سايكەس كەلەدى. سوندىقتان دەمالىس كۇنىن دۇيسەنبىگە اۋىستىرۋ ارقىلى قوسىمشا 1 دەمالىس جانە قىسقارتىلعان جۇمىس اپتاسىن بەرەدى. ءبىراق بۇل وزگەرىستىڭ التى كۇن جۇمىس ىستەيتىندەرگە قاتىسى جوق.

وسىلايشا، بەس كۇندىك جۇمىس ىستەيتىندەر ءۇشىن: 6، 7-جانە 8-شىلدە - دەمالىس كۇندەرى، ءبىراق التى كۇندىك جۇمىس ءۇشىن 8-شىلدە - جۇمىس كۇنى سانالادى.

ەسكە الايىق، بۇعان دەيىن قازاقستاندا جاڭا مەرەكەلىك كۇندەر پايدا بولاتىنىن جازعان ەدىك. ونىڭ ىشىندە، شىلدەدەگى جاڭا مەرەكەلەر دە بار:

ديپلوماتيالىق قىزمەت كۇنى – 2-شىلدە

سۋ شارۋاشىلىعى قىزمەتكەرلەرى كۇنى – 9-شىلدە

ۆەتەريناريالىق قىزمەتكەر كۇنى – 10-شىلدە

قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ كۇنى – 13-شىلدە

نوتاريات كۇنى – 14-شىلدە

بالىق شارۋاشىلىعى قىزمەتكەرلەرى كۇنى - شىلدەنىڭ ەكىنشى جەكسەنبىسى

مەتاللۋرگ كۇنى - شىلدەنىڭ ءۇشىنشى جەكسەنبىسى

ساۋدا قىزمەتكەرلەرى كۇنى - شىلدەنىڭ ءتورتىنشى جەكسەنبىسى