قازاقستاندىقتار 18 تريلليون تەڭگەگە نەسيە العان
تۇتىنۋ نەسيەسىن بەرۋ سەگمەنتىندە كەيىنگى ءۇش جىلدا ءوسىم بايقالدى. بۇل تۋرالى ماجىلىستە «حالىقتىڭ شامادان تىس كرەديت الۋىن ازايتۋ جانە قارجى ساۋاتتىلىعىن ارتتىرۋ» تاقىرىبىنداعى پارلامەنت تىڭداۋىندا قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ايتتى، دەپ حابارلايدى Kazinform.
«جەكە ادامداردىڭ نەسيەلەرىنىڭ جالپى كولەمى 18 تريلليون تەڭگەنى، ال قارىز الۋشىلاردىڭ سانى 8 ميلليوننان استام ادامعا جەتتى. تۇتىنۋ نەسيەسىن بەرۋ سەگمەنتىندە كەيىنگى ءۇش جىلدا ءوسىم بايقالدى»، - دەدى م. ءابىلقاسىموۆا.
ونىڭ سوزىنە قاراعاندا، ۇلتتىق بانكتىڭ دەرەگىنە سايكەس 2021 -جىلدان باستاپ كەپىلسىز تۇتىنۋ نەسيەلەرىنىڭ ورتاشا جىلدىق ءوسىمى 33 پايىزدى قۇرادى. بيىلعى 8 ايدا تۇتىنۋ نەسيەلەرىنىڭ پورتفەلى 9,2 تريلليون تەڭگەدەن استى.
«ەكىنشى دەڭگەيلى بانكتەردىڭ پروبلەمالى قارىزدارىنىڭ دەڭگەيى 5,2 پايىزعا جەتتى نەمەسە 0,5 تريلليون تەڭگەدەن استى. ال مەرزىمى وتكەن كرەديتى بار قارىز الۋشىلار سانى 516 مىڭ ادامعا جەتتى، ياعني قارىز العانداردىڭ جالپى سانىنىڭ 7 پايىزىن قۇرادى»، - دەدى اگەنتتىك باسشىسى.
بۇدان بۇرىن حابارلانعانداي، قازاقستاندا تۇتىنۋ نەسيەسىنىڭ ەڭ جوعارى سوماسىنا شەكتەۋ قويىلماق.
اۆتور
رۋسلان عابباسوۆ