قازاقستاندىق وقۋشىلار حالىقارالىق وليمپيادادا ءتورت مەدال يەلەندى

استانا. KAZINFORM - الەمنىڭ 93 ەلىنەن 360 تان استام وقۋشى قاتىسقان بۇل زياتكەرلىك دودادا قازاقستان ۇلتتىق قۇراماسىنداعى ءتورت وقۋشى تاماشا ناتيجە كورسەتتى، دەپ حابارلايدى وقۋ-اعارتۋ مينيسترلىگى.

- وقۋشىلار اراسىنداعى ەڭ بەدەلدى حالىقارالىق پاندىك وليمپيادالار باستالدى: IChO ،IPhO، IMO ،IBO ،IGeO، ،IOL. بۇل ماۋسىمدى قازاقستان وقۋشىلارى ءسۇيىنشىلى جاڭالىقپەن باستادى. حالىقارالىق حيميا وليمپياداسىندا (International Chemistry Olympiad ،IChO-2025) ەلىمىزدىڭ اتىنان قاتىسقان ءتورت وقۋشىنىڭ ءبارى جۇلدەگە يە بولدى، ونىڭ ەكەۋى - التىن مەدال، - دەلىنگەن حابارلامادا.

وليمپيادا 5-14-شىلدە ارالىعىندا بىرىككەن اراب امىرلىكتەرىندە ءوتتى. الەمنىڭ 93 ەلىنەن 360 تان استام وقۋشى قاتىسقان بۇل زياتكەرلىك دودادا قازاقستان ۇلتتىق قۇراماسىنداعى ءتورت وقۋشى تاماشا ناتيجە كورسەتىپ، ەلىمىزدىڭ جاس حيميكتەرىنىڭ كوشباسشىلىق مارتەبەسىن تاعى ءبىر مارتە دالەلدەدى.

كيريلل كيم استانا قالاسىنداعى نازاربايەۆ زياتكەرلىك مەكتەبىنىڭ 12-سىنىپ وقۋشىسى؛

ابىلاي كابدۋلحادىر - استانا قالاسىنداعى نازاربايەۆ زياتكەرلىك مەكتەبىنىڭ 12-سىنىپ وقۋشىسى؛

ەڭلىك باقىتبەكوۆا - الماتى قالاسىنداعى نازاربايەۆ زياتكەرلىك مەكتەبىنىڭ 12-سىنىپ وقۋشىسى؛

اڭسار جاقسىلىقوۆ - اقتوبە وبلىسىنداعى «ءبىلىم-يننوۆاتسيا» ليتسەيىنىڭ 10-سىنىپ وقۋشىسى.

ۇلتتىق قۇراماعا عىلىمي جەتەكشىلىك ەتكەن: سانجار بەگداير - Korea Advanced Institute of Science and Technology (KAIST) ماگيسترانتى، حالىقارالىق جانە رەسپۋبليكالىق وليمپيادالاردىڭ جەڭىمپازى؛ رينات يليۋسيزوۆ - بىرنەشە مارتە حالىقارالىق جانە رەسپۋبليكالىق وليمپيادا جەڭىمپازى.

وقۋ-اعارتۋ ءمينيسترى عاني بەيسەمبايەۆ ءبىزدىڭ وقۋشىلارىمىزدىڭ جەتىستىگى - قازاقستاندىق ءبىلىمدىڭ الەمدەگى بيىك مارتەبەسىن تاعى ءبىر مارتە دالەلدەگەنىن اتاپ ءوتتى.

- بۇل جەڭىس - جاس بۋىننىڭ جارقىن بولاشاعىنا جول اشاتىن بەرىك نەگىز دەپ سەنەمىن. جەتىستىكتەرىڭىز ەسەلەنە بەرسىن، الار اسۋلارىڭىز بيىك بولسىن! ەلىمىزدىڭ دامۋىنا ۇلەس قوساتىن ءبىلىمدى دە تالاپتى ازامات بولىپ وسۋلەرىڭىزگە تىلەكتەسپىن، - دەپ جازدى مينيستر ءوزىنىڭ رەسمي پاراقشاسىندا.

ايتا كەتەيىك، ق ر وقۋ-اعارتۋ مينيسترلىگىنە قاراستى «دارىن» رەسپۋبليكالىق عىلىمي-پراكتيكالىق ورتالىعىنىڭ قولداۋىمەن، ۇلتتىق قۇراما ءبىرقاتار حالىقارالىق وقۋ-جاتتىعۋ جيىندارىنا قاتىسىپ، بيىلعى وقۋ جىلىندا ەۋروپالىق جانە حالىقارالىق وليمپيادالاردا 0 ناتيجە كورسەتىپ ۇلگەردى.

بۇعان دەيىن قازاقستاندىق وقۋشىلار حالىقارالىق فيزيكا وليمپياداسىندا 1-ورىن الدى.