قازاقستاندىق پوليتسەيلەر حالىقارالىق تۋرنيردە كۇمىس جۇلدەگەر اتاندى

قازاقستاندىق پوليتسەيلەر ۇرىمجىدە وتكەن حالىقارالىق تۋرنيردە كۇمىس جۇلدەگەر اتاندى، دەپ حابارلايدى Polisia.kz.

قىتاي حالىق رەسپۋبليكاسىنىڭ ءۇرىمجى قالاسىندا العاش رەت قىتاي جانە ورتا ازيا ەلدەرى پوليسيالارىنىڭ اراسىندا حالىقارالىق جارىس ءوتتى.

تۋرنير بارىسىندا قاتىسۋشىلار ەركىن كۇرەس، كيكبوكسينگ، ءارتۇرلى قارۋدان اتۋ سياقتى سپورت تۇرلەرىنەن سىنعا ءتۇسىپ، سونداي-اق قىلمىسپەن كۇرەس پەن قوعامدىق قاۋىپسىزدىكتى قامتاماسىز ەتۋگە قاجەتتى تاكتيكالىق وپەراتسيا ەلەمەنتتەرىن پىسىقتادى.

- ق ر ىشكى ىستەر مينيسترلىگىنىڭ قۇراما كومانداسى ەل نامىسىن ابىرويمەن قورعاپ، جالپى كوماندالىق ەسەپتە ەكىنشى ورىندى يەلەندى. ولار تەك الاڭ يەلەرىنە - قىتاي قۇراماسىنا جول بەردى. بۇل جەتىستىك - كۇندەلىكتى زاڭ مەن ءتارتىپتىڭ ساقشىسى بولىپ جۇرگەن قىزمەتكەرلەردىڭ جوعارى دەڭگەيدەگى دەنە دايىندىعىنىڭ، ءتارتىبى مەن كاسىبي شەبەرلىگىنىڭ ايقىن دالەلى، - دەلىنگەن اقپاراتتا.

ايتا كەتۋ كەرەك، اتالمىش ءتۋرنيردى ۇيىمداستىرۋ باستاماسىن قازاقستاننىڭ ىشكى ىستەر ءمينيسترى كوتەرگەن بولاتىن. حالىقارالىق جارىس وتكىزۋ يدەياسى 2024 -جىلى ليانيۋنگان قالاسىندا وتكەن «ورتا ازيا - قىتاي» فورماتىنداعى ىشكى ىستەر جانە قوعامدىق قاۋىپسىزدىك مينيسترلەرىنىڭ العاشقى كەزدەسۋىندە ۇسىنىلعان ەدى.

مۇنداي ءىس- شارالار مەملەكەتتەر اراسىنداعى ىنتىماقتاستىقتى نىعايتۋعا، تاجىريبە الماسۋعا جانە پوليسيانىڭ جاۋىنگەرلىك دايىندىعىن ارتتىرۋعا زور ىقپال ەتەدى.

بۇعان دەيىن، قازاقستاندىق اسكەري قىزمەتشىلەر الەم چەمپيوناتىندا التىن مەن كۇمىس ولجالاعانىن جازدىق.