قازاقستاندىق تەننيسشى ءومىر بويىنا جارىستاردان شەتتەتىلدى

حالىقارالىق ءادىل تەننيس اگەنتتىگى (ITIA) كەلىسىلگەن ويىن وتكىزگەنى ءۇشىن ءۇش تەننيسشىنى جازالادى. ولاردىڭ قاتارىندا قازاقستاندىق تيمۋر حابيبۋلين دە بار.

ITIA شەشىمىمەن تيمۋر ءومىر بويىنا جارىستارعا قاتىسا المايدى. سونداي-اق 60 مىڭ دوللار ايىپپۇل تولەيدى. ول 2014 جانە 2019 -جىلدار ارالىعىندا وتكىزگەن 21 ويىنىنا قاتىستى ايىپتالعان.

تيمۋردان وزگە وزبەكستاندىق سانجار فايزيەۆ 3 جىلعا جارىستاردان شەتتەتىلىپ، 15 مىڭ دوللار ايىپ تولەيتىن بولدى. يزرايل ەلىنىڭ اتىنان شىعاتىن يگور سميلانسكي 2 جىلعا شەتتەتىلىپ، 4 مىڭ دوللار ايىپپۇل ارقالادى.

تەننيسشىلەردىڭ جازا مەرزىمى 2023 -جىلدىڭ 25-شىلدەسىنەن باستالعان.

 

 

massaget.kz