قازاقستاندىق تاەكۆوندوشىلار وڭتۇستىك كورەياداعى تۋرنيردىڭ فينالىندا باق سىنايدى
22:43, 11 - شىلدە 2025
استانا. KAZINFORM - قازىرگى ۋاقىتتا وڭتۇستىك كورەيانىڭ مۋدجۋ قالاسىندا تاەكۆوندودان «World Taekwondo Diamond Game» تۋرنيرى ءوتىپ جاتىر.
ايەلدەر اراسىنداعى كوماندالىق سايىستا ونەر كورسەتەتىن ايدا تاۋكەنوۆا مەن كاميلا ايمۋكاشيەۆا فينالعا جولداما الدى.
وتانداستارىمىز جارتىلاي فينالدا يندونەزيا قۇراماسىمەن ءوزارا مىقتىنى انىقتادى. ناتيجەسىندە، قازاقستان قۇراماسى 2:0 ەسەبىمەن باسىم ءتۇستى.
ايتا كەتەيىك، قازاقستان قۇراماسى فينالدىق جەكپە-جەكتە ماروككو قۇراماسىمەن التىن جۇلدەنى ساراپقا سالادى.
ەسكە سالا كەتەيىك، بۇعان دەيىن الماتى وبلىسىندا جەڭىل اتلەتيكادان قازاقستان چەمپيوناتى باستالعانىن جازعان ەدىك.