قازاقستاندىق سپورتشى ستەند اتۋدان وليمپيادا ويىندارىنىڭ فينالىنا شىقتى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا ستەند اتۋدان قازاقستان كومانداسىنىڭ مۇشەسى ماريا دميتريەنكو ىرىكتەۋدەن ءساتتى ءوتىپ، فينالعا شىقتى.

وتانداسىمىز «تراپ» باعدارلاماسىندا بويىنشا ءساتتى ونەر كورسەتىپ، ىرىكتەۋدەن 4-ورىنعا قول جەتكىزدى. ونىڭ 2 وعى نىساناعا تيمەي قالسا دا، جالپى ەسەپتە 73 ۇپاي جينادى. جارىس ەرەجەسى بويىنشا فينالعا العاشقى 8 سپورتشى عانا جولداما الادى.

اتالعان باسەكەگە جالپى ەسەبى 30 سپورتشى قاتىستى.

ىرىكتەۋ سىنىندا 75 ۇپايمەن يسپانيالىق ماگرينا مار مولنە كوش باستاپ تۇر. ەكىنشى ورىندا 74 ۇپايمەن تاعى ءبىر يسپانيا سپورتشىسى فاتيما گالۆەس ورنالاسقان. ۇزدىك ۇشتىكتى اۆستراليالىق پەنني سميت تۇيىندەدى.

ەستەرىڭىزگە سالا كەتەيىك، فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 11-تامىزدا مارەسىنە جەتەدى. ويىنعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان.

اۆتور
كۇنسۇلتان وتارباي