استانا. KAZINFORM - قازاقستاندىق اناستاسيا گورودكو فريستايل-موگۋلدان الماتىدا ءوتىپ جاتقان جاس وسپىرىمدەر اراسىنداعى الەم چەمپيوناتىندا التىن مەدال جەڭىپ الدى، دەپ حابارلايدى ۇلتتىق وليمپيادالىق كوميتەت.
ول پاراللەلدى موگۋلدا ۇزدىك اتاندى. اقتىق سىندا گورودكو امەريكالىق ريز چاپدەلايندى جەڭدى.
قولا جۇلدەگە ەببي ماكلارنون (ا ق ش) يە بولدى.
بۇعان قوسا، ءبىر كۇن بۇرىن اناستاسيا جەكەلەي جارىستا كۇمىس مەدال جەڭىپ العان ەدى.
ايتا كەتەيىك، 2022-جىلعى الەم چەمپيوناتىندا گورودكو ءۇش جۇلدە يەلەندى: پاراللەلدى موگۋلدا جەڭىسكە جەتىپ، جەكەلەي ەسەپتە جانە ارالاس كوماندالىق سىندا ەكىنشى ورىن الدى. سونداي-اق، 2024-جىلعى الەم چەمپيوناتىندا ول موگۋل بويىنشا ءبىرىنشى، ال پاراللەلدى موگۋلدا ەكىنشى ورىن العان ەدى.
قازاقستان فريستايل-موگۋلدان الەم چەمپيوناتىنىڭ العاشقى مەدالىن جەڭىپ العانىن جازعان بولاتىنبىز.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.