استانا. KAZINFORM - ارالاس جەكپە-جەكتەن قازاقستاندىق سپورتشى ديار نۇرعوجا UFC كەلىسىمشارتى ساراپقا سالىناتىن Dana White’s Contender سەرياسى بويىنشا كەزەكتى تۋرنير اياسىندا سايىسقا ءتۇستى. قازاقستاندىق فايتەر وكتاگوندا پولشالىق سپورتشى بارتوش شيەۆچيكپەن (8-3-1) شەبەرلىك بايقاسىپ، قارسىلاسىن نوكاۋتپەن جەڭدى.
ديار ەكىنشى راۋندتا قارسىلاسىنا بىرنەشە سوققىسىن دارىتتى. قارسىلاسىنىڭ دارمەنسىزدىگىنەن كەيىن تورەشى جەكپە-جەكتى ەرتەرەك اياقتاۋ تۋرالى شەشىم قابىلدادى. وسىلايشا ديار نۇرعوجا ءوزىنىڭ جەڭىلىسسىز سەرياسىن جالعاستىردى. وعان قوسا UFC بويىنشا الەمدەگى ەڭ ۇزدىك م م ا ليگاسىمەن كەلىسىمشارتقا قول جەتكىزدى.
قازاقستاندىق فايتەر بۇعان دەيىن Alash Pride, Eagle FC جانە UAE Warriors پروموۋشەندەرىندە سايىسقا تۇسكەن بولاتىن.
ەسكە سالساق، بۇدان بۇرىن تالعات ورىنباسار دزيۋدودان الەم چەمپيوناتىندا قولا جۇلدەگە قول جەتكىزدى. 60 كەلىگە دەيىنگى سالماقتا بەلدەسكەن وتانداسىمىز يتاليالىق بالۋان ۆينچەنتسو مانفەرلوتتيدى جۇبانىش اينالىمىندا تازا جەڭدى. وسىلايشا، ورىنباسار قولا جۇلدە ءۇشىن كۇرەسۋگە مۇمكىندىك الدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.