قازاقستاندىق ەسترادا جۇلدىزدارى بەيجىڭدە ونەر كورسەتەدى
استانا. KAZINFORM - قازاقستاننىڭ حالىق ءارتىسى روزا رىمبايەۆا، ق ر ەڭبەك سىڭىرگەن ءارتىسى مايرا مۇحامەد قىزى، وپەرا ءانشىسى زارينا التىنبايەۆا، « ۇلىتاۋ» ەتنو-روك توبى، اباي اتىنداعى ق ا ز ۇ و ب ت حور ۇجىمى، «سەرپەر» جانە «سازگەن سازى» انسامبلدەرىنىڭ شىعارماشىلىق ۇجىمدارى، «استانا بالەت» بالەت ترۋپپاسى قىتايداعى قازاقستاندىق تۋريزم جىلىنىڭ اشىلۋىنا وراي وتەتىن گالا- كونسەرتكە قاتىسادى.
29-ناۋرىزدا بەيجىڭدەگى China National Opera House ساحناسىندا قىتايداعى قازاقستاندىق تۋريزم جىلىنىڭ اشىلۋ سالتاناتى وتەدى.
قىتايداعى قازاقستاندىق تۋريزم جىلىنىڭ اشىلۋى اياسىندا 30-ناۋرىزدا بەيجىڭدىك تانىمال 798 ارت ايماعىنىڭ الاڭىندا «ناۋرىز فەست» وتەدى.
قازاقستاندىق ارتىستەر مەن شىعارماشىلىق ۇجىمدار بەيجىڭ قوناقتارى مەن تۇرعىندارى ءۇشىن اۋقىمدى مەرەكەلىك باعدارلاما دايىندادى.
ق ح ر استاناسىنداعى ءىرى زاماناۋي ونەر ورتالىعىندا «سۇگىر» قازاق حالىق اسپاپتار وركەسترى مەن «ياسسى» بي ءانسامبلى ونەر كورسەتەدى.
ەسكە سالا كەتسەك، 2024-جىل قىتايدا قازاقستاندىق تۋريزم جىلى بولىپ جاريالاندى.
اۆتور
ەلميرا ورالبايەۆا