بىرىككەن اراب امىرلىكتەرىنىڭ استاناسى ابۋ-دابيدە دجيۋ-دجيتسۋدان وتكەن حالىقارالىق تۋرنيردە اباي گارنيزونى 28738 اسكەري ءبولىمىنىڭ قىزمەتكەرى، كىشى سەرجانت مەرحات تۇياقوۆ جەڭىمپاز اتاندى، دەپ حابارلايدى Kazinform ق ر قورعانىس مينيسترلىگىنە سىلتەمە جاساپ.
الەمدىك دودادا قازاقستاننىڭ نامىسىن قورعاعان ول رەسەي، برازيليا، ۋرۋگۆاي، بىرىككەن اراب امىرلىكتەرى، يران جانە وڭتۇستىك كورەيا سپورتشىلارىمەن كۇش سىناستى.
قازاقستاندىق سارباز ءتورت قارسىلاسىن مەرزىمىنەن بۇرىن جەڭسە، تاعى ۇشەۋىن ۇپاي سانىمەن جەڭدى. التىن ءۇشىن بەلدەسۋدە مەرحات تۇياقوۆ رەسەيلىك سپورتشىدان باسىم ءتۇسىپ، الەم چەمپيونىاتاعىنا قول جەتكىزدى.
مەرحات دجيۋ-دجيتسۋمەن بەس جىلدان بەرى اينالىسسا دا الەمدىك دەڭگەيدەگى جارىستارعا العاش رەت قاتىسىپ وتىر. بۇعان دەيىن ول ەركىن كۇرەس پەن قويان-قولتىق ۇرىسپەن اينالىسقان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан