قازاقستاندىق قوس تەننيسشى جاس وسپىرىمدەر اراسىندا اۋستراليا چەمپيوناتىندا وينايدى

قازاقستان تەننيسىنىڭ جاس جۇلدىزدارى ءامىر ومارحانوۆ پەن اسىلجان ارىستانبەكوۆا جاس وسپىرىمدەر اراسىندا الداعى جىلدىڭ العاشقى «ۇلكەن دۋلىعا» تۋرنيرى - اۋستراليا اشىق چەمپيوناتىندا وينايدى، دەپ حابارلايدى Kazinform.

قازاقستان تەننيس فەدەراتسياسىنان ءمالىم ەتكەنىندەي، سونىمەن قاتار دانيال راحماتۋللايەۆ، ۆيتالي زاتسەپين، ءىلياس مارات ۇلى جانە ايا نۇپباي ىرىكتەۋ سايىستارىندا باق سىنايدى.

جاس وسپىرىمدەر اراسىندا اۋستراليا بىرىنشىلىگى 20-27- قاڭتار ارالىعىندا وتەدى.

قاراعاندى تەننيس مەكتەبىنىڭ تۇلەگى ءامىر ومارحانوۆ 16 جاستا. جاس وسپىرىمدەردىڭ الەمدىك رەيتينگىسىندە 55-ورىندا تۇر. ول ITF Juniors ساناتىندا وتكەن جارىستاردا جەكەلەي جانە جۇپتىق سىندا بەس رەتتەن جەڭىمپاز اتاندى.

الماتى تەننيس مەكتەبىنىڭ تۇلەگى، 17 جاستاعى اسىلجان ارىستانبەكوۆا رەيتينگىدە 68-ساتىدا كەلەدى. ول ITF Juniors دودالارىندا جەكەلەي سىندا ءبىر رەت چەمپيون بولدى. ال جۇپتىق سىندا 13 تيتۋلعا قول جەتكىزدى.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ مىسىرداعى جارىستىڭ جارتىلاي فينالىنا شىققانىن جازعان بولاتىنبىز.