قازاقستاندىق مەرگەن ماريا دميترەنكو الەم كۋبوگىندا التىن مەدال ولجالادى

كاير. KAZINFORM - وق اتۋدان كايردە (مىسىر) ءوتىپ جاتقان الەم كۋبوگىنىڭ كەزەڭىندە قازاقستان قۇراماسىنىڭ قورجىنىنا التىن مەدال ءتۇستى.

اتاپ ايتساق، «تراپ» باعدارلاماسى بويىنشا سىنعا تۇسكەن ماريا دميترەنكو توپ بارلىق قارسىلاستارىن باسىپ وزىپ، جەڭىس تۇعىرىنىڭ ەڭ بيىك ساتىسىنان كورىندى.

التىن جۇلدە ءۇشىن وتكەن تارتىستى سايىستا 35 جاستاعى وتانداسىمىز 40 ۇپاي ەنشىلەپ، توكيو وليمپياداسىنىڭ چەمپيونى، 2 دۇركىن الەم چەمپيونى فاتيما گالۆەز جانە توكيو وليمپياداسىنىڭ 2 مارتە جۇلدەگەرى الەسساندرا پەريلليدى باسىپ وزدى.

بۇل - ماريا دميترەنكونىڭ العاشقى ءىرى جەتىستىگى ەمەس، ول وسىعان دەيىن الەم كۋبوگى كەزەڭدەرىندە ەكى رەت التىن (2023, 2024)، ەكى رەت كۇمىس (2021، 2023)، ءۇش رەت قولا (2021، 2022) مەدال ەنشىلەگەن.

بۇل - قازاقستاندىقتاردىڭ كايردە جەڭىپ العان ءۇشىنشى جۇلدەسى.

وسىعان دەيىن تاعى ەكى قولا مەدال العانىن جازعان بولاتىنبىز

ايتا كەتەيىك، مىسىردا ۇيىمداستىرىلىپ جاتقان تۋرنيردە الەمنىڭ 65 ەلىنەن 700 سۇرمەرگەن باق سىناۋدا.

اۆتور

كۇنسۇلتان وتارباي