قازاقستاندىق مەرگەن ازيا چەمپيوناتىنىڭ قولا جۇلدەگەرى اتاندى

  ەل- كۋۆەيت. KAZINFORM - قازاقستاندىق ماريا دميتريەنكو كۋۆەيت استاناسىندا ءوتىپ جاتقان ستەند اتۋدان ازيا چەمپيوناتىنىڭ قولا جۇلدەگەرى اتاندى.

سپورتتى دامىتۋ ديرەكتسياسىنىڭ باسپا ءسوز قىزمەتىنەن ءمالىم ەتكەندەي، ۇلتتىق قۇراما سپورتشىسى تراپ باعدارلاماسىنىڭ فينالىندا 30 ۇپاي جيناپ، ۇزدىك ۇشتىككە ىلىكتى.

پاريج وليمپياداسىنىڭ جولداماسى جەڭىمپاز اتانعان ۆان يۋ ليۋ (تايبەي) مەن كۇمىس جۇلدەگەر جاڭ سينتسيۋگە (قىتاي) بۇيىردى.

ماريا وسىعان دەيىن ىرىكتەۋدە 117 نىسانانى ءدال كوزدەپ، 1-ورىنمەن اقتىق سىنعا جولداما العان ەدى.

ەسكە سالا كەتەيىك، ماريا دميتريەنكو وتكەن جىلى دانييل پوچيۆالوۆپەن بىرگە باكۋدە وتكەن الەم چەمپيوناتىندا جۇپتىق سىندا (ميكست) قولا مەدال جەڭىپ العان.

سودان كەيىن حاڭجوۋداعى ازيا ويىندارىندا 2 قولا جۇلدەگە (جەكەلەي، كوماندالىق) قول جەتكىزدى.

اۆتور

عايساعالي سەيتاق