استانا. قازاقپارات - UFC-دەگى العاشقى قازاقستاندىق ماريا اگاپوۆا بۇدان بىلاي ليگادا ونەر كورسەتپەيدى، ول UFC روستەرىنەن شىعارىلدى. ەندى ول بوكس رينگىندەگى جەكپە-جەگىن جالعاستىرۋعا نيەتتى.
قازاقستاندىق ماريا اگاپوۆا مەن سەرگەي موروزوۆ بۇدان بىلاي UFC-دە ونەر كورسەتپەيدى.
«UFC- گە ايتار العىسىم شەكسىز. UFC-دە جەكپە-جەك وتكىزۋ ۇلكەن قۋانىش بولدى. بونۋستار ۇتىپ العان ساتتەرىم ومىرىمدەگى ەڭ جاقسى ساتتەر بولدى. مەن كۇرەسۋدى جالعاستىرامىن جانە بۇل سەزىمدى تاعى دا باستان وتكەرەمىن دەپ ۇمىتتەنەمىن. مەنەدجەرلەرىمە اتقارىلعان جۇمىستار ءۇشىن راقمەت»، - دەدى بۇگىن ماريا اگاپوۆا.
ماريا سوڭعى جەكپە-جەگىن 13-شىلدەدە وتكىزدى. دەنۆەردە ول لۋانا سانتوسقا قارسى شىقتى. جەكپە-جەك جەڭىل سالماق دارەجەسىندە ءوتىپ، برازيليالىقتىڭ تۇنشىقتىرۋ ادىسىمەن جەڭۋىمەن اياقتالدى. اگاپوۆا قاتارىنان ءۇشىنشى رەت جەڭىلىسكە ۇشىرادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан