قازاقستاندىق كاسىپقوي بوكسشى قىز قارسىلاسىن نوكاۋتپەن جەڭدى

استانا. KAZINFORM - اسا جەڭىل سالماقتا ونەر كورسەتەتىن قازاقستاندىق كاسىپقوي بوكسشى قىز انگەلينا لۋكاس (6-1-0، 3 ك و) تايلاندتا كەزەكتى جەكپە-جەگىن وتكىزىپ، قارسىلاسىن نوكاۋتپەن جەڭدى.

بۇل تۋرالى بوكسشى ءوزىنىڭ الەۋمەتتىك جەلىدەگى پاراقشاسىندا جازدى. 

ول كەزەكتى جەڭىسىنەن كەيىن «بۇگىن مەن كاسىبي مانسابىمدا جەتىنشى جەڭىسكە جەتتىم جانە وتە قۋانىشتىمىن، وسى جەڭىسىمدى سۇيىكتى ەلىمە ارناعىم كەلەدى!»، - دەپ جازبا قالدىردى.

انگەلينا لۋكاس تايلاندتىق كادەسارا دجادپاكديمەن جۇدىرىقتاسىپ، قارسىلاسىن مەرزىمىنەن بۇرىن جەڭدى. نەگىزى جەكپە-جەك سەگىز راۋندقا جوسپارلانعان. الايدا رەفەري ءتورتىنشى راۋندتا جارىستى توقتاتتى. وسىلايشا قازاقستاندىق بوكسشى كاسىپقويداعى جەتىنشى جەڭىسىنە قول جەتكىزدى.

ال ونىڭ قارسىلاسى قازىرگە دەيىن كاسىپقوي بوكستىڭ شارشى الاڭىندا جەتى رەت جەڭىسكە جەتكەن. ءۇش رەت جەڭىلگەن. وسى جولى ءتورتىنشى رەت جەڭىلىستىڭ اشى ءدامىن تاتتى.

 

اۆتور
كۇنسۇلتان وتارباي