قازاقستاندىق كاسىپقوي بوكسشى 4 جىلدان كەيىن شارشى الاڭعا ورالادى
21:28, 20 - قازان 2023
ەكىنشى جارتىلاي جەڭىل سالماقتا جۇدىرىقتاساتىن قازاق بوكسشىسى مۇسا تۇرسىنعاليەۆ (10-0، 6 ك و) كاسىپقوي بوكسقا ورالادى. وتانداسىمىز 28- قازان كۇنى ماياميدە جەكپە-جەككە شىعادى.
BoxRec.com اقپاراتى بويىنشا قازاقستاندىق بوكسشىنىڭ قارسىلاسى - مەكسيكالىق پابلو باترەس (10-23-2، 3 ك و). جەكپە-جەك التى راۋندقا جوسپارلانعان.
مۇسا تۇرسىنعاليەۆ 2019-جىلدىڭ جازىنان بەرى كاسىپقوي بوكس الاڭىنا شىقپاعان. بىرنەشە رەت جەكپە-جەگى ۇيىمداستىرىلعانمەن، ءتۇرلى سەبەپتەرمەن وتپەي قالعان.
ايتا كەتەيىك، وسىعان دەيىن تاعى ءبىر قازاقستاندىق بوكسشى مەيىرىم نۇرسۇلتانوۆ نەمىس بوكسشىسىمەن جۇدىرىقتاساتىنى جايلى حابارلاعان ەدىك.