قازاقستاندىق جاس كونكيشىلەر الەم كۋبوگى كەزەڭىن قوس التىنمەن اياقتادى

يتاليانىڭ كوللالبو قالاسىندا كونكيمەن جۇگىرۋدەن جاستار اراسىندا وتكەن الەم كۋبوگىنىڭ ەكىنشى كەزەڭىندە قازاقستان قۇراماسى ەكى التىن، ەكى كۇمىس مەدال جەڭىپ الدى، دەپ حابارلايدى Kazinform.

سپورتتى دامىتۋ ديرەكتسياسىنىڭ باسپا ءسوز قىزمەتىنەن ءمالىم ەتكەندەي، نەو-سەنورلار (23 جاسقا دەيىنگىلەر) 500 مەترلىك قاشىقتىقتا مارگاريتا ارتەميەۆا 40.04 سەكۋند ۋاقىت كورسەتىپ، جەڭىمپاز اتاندى.

تاعى ءبىر قازاقستاندىق ينەسسا شۋمەكوۆا 40.27 سەكۋند ناتيجەسىمەن كۇمىس جۇلدەگە يە بولدى. ال قولا مەدال نيدەرلاند وكىلى ۆيلدە بااسقا (40.96 سەكۋند) بۇيىردى.

بۇعان دەيىن 1 مىڭ مەتردەن جارىستا ينەسسا شۋمەكوۆا التىن، ارينا يلياشەنكو كۇمىس جۇلدەگەر اتانعان ەدى.

اپەنين تۇبەگىندەگى بايراقتى باسەكەگە 27 ەلدەن 230 سپورتشى قاتىستى.

ەسكە سالا كەتەيىك، بۇدان بۇرىن قازاقستاندىق جاس كونكيشىلەردىڭ الەم كۋبوگى كەزەڭىندە التىن جانە كۇمىس مەدال جەڭىپ العانىن جازعان بولاتىنبىز.