قازاقستاندىق جاس ءوسپىرىم يسپانياداعى ءبىلىم بايگەسىنەن جۇلدەلى ورالدى

استانا. KAZINFORM - قازاقستاندىق يسا قوجاسباي يسپانيا استاناسىندا 6-8-سىنىپ وقۋشىلار اراسىندا وتكەن ءبىلىم بايگەسىندە توپ جاردى.

بارسەلونادا وتكەن STEM حالىقارالىق وليمپياداسىندا يسا قوجاسباي عىلىم مەن ماتەماتيكا پانىنەن ۇزدىك ۇشتىككە ىلىكتى. اتاپ ايتقاندا، ماتەماتيكا پانىنەن ەكىنشى (silver) ورىن جانە عىلىم science بويىنشا ءۇشىنشى (bronze) ورىن الدى.

- بيىل تاعى دا وتانىمنىڭ نامىسىن قورعاپ، ۇزدىك ۇشتىكتىڭ قاتارىنان كورىنگەنىمە قۋانىشتىمىن. حالىقارالىق ءبىلىم دودالارىندا ەلىمنىڭ نامىسىن قورعاعانىمدى ماقتان تۇتامىن. ءالى قازاقتىڭ بايراعىن تالاي رەت جەلبىرەتەمىن، - دەيدى دارىندى وقۋشى.

ايتا كەتەيىك، International STEM Olympiad بيىل بەسىنشى رەت وتكىزىلدى. وعان الەمنىڭ 130 ەلىنەن 1700 دەن استام وقۋشى مەن 38 مىڭ ستۋدەنت قاتىستى.

وليمپياداعا قاتىسۋشىلار ءتورت باعىتتا باق سىنادى: عىلىم، تەحنولوگيا، ينجەنەرلىك ءىس پەن ماتەماتيكا.

وسىعان دەيىن قازاقستاندىق وقۋشىلاردىڭ بارسەلوناداعى بايقاۋدا 13 مەدال ەنشىلەگەنىن جازدىق.