قازاقستاندىق جاس ءوسپىرىم تەننيسشىلەر ازيا چەمپيوناتىنىڭ فينالدىق كەزەڭىنە شىقتى

استانا. KAZINFORM - دۋشانبە قالاسىندا 12 جاسقا دەيىنگىلەر اراسىندا 12U Team Competition-Supported by KTF ءتۋرنيرىنىڭ ورتالىق ازيا ايماعى بويىنشا ىرىكتەۋ جارىسى مارەسىنە جەتتى.

قازاقستان تەننيس فەدەراتسياسىنان ءمالىم ەتكەنىندەي، كوماندالىق بىرىنشىلىكتە ەل نامىسىن مىنا سپورتشىلار قورعادى.

ۇلدار:

تەمىرلان جانتەمىروۆ،

ياروسلاۆ بوبروۆ،

ليەۆ يۋگاي.

كاپيتانى رۋسلان ارەپرينتسيەۆ.

قىزدار:

ايىم قاناعاتوۆا،

ادەمى السەيپۋلوۆا،

مەدينا الاگوزوۆا.

كاپيتانى زارينا جۇمادجانوۆا.

قازاقستاندىق قىزدار وزبەكستان، قىرعىزستان، تۇرىكمەنستان، تاجىكستان قۇرامالارىمەن ويناپ، بارلىق ماتچتا جەڭىسكە جەتتى.

ۇلدار دا وسى ءتورت ەلدىڭ تەننيسشىلەرىنەن باسىم ءتۇستى.

وسىلايشا، قوس قۇراما بيىل كۇزدە شىمكەنت قالاسىندا وتەتىن كوماندالىق ازيا چەمپيوناتىنىڭ فينالدىق كەزەڭىنە جولداما الدى.