قازاقستاندىق IT ماماندارى قاي ەلدەرگە قىزمەت كورسەتەدى

استانا. قازاقپارات - 2023-جىلى ەلىمىزدە IT- قىزمەتتەردىڭ كولەمى 1,4 تريلليون تەڭگەگە جەتتى. بۇل - ءبىر جىل بۇرىنعى كورسەتكىشتەن 46,4 پايىزعا ارتىق.

Energyprom.kz مالىمەتىنشە، رەزيدەنت بولىپ تابىلاتىن زاڭدى تۇلعالارعا كورسەتىلگەن قىزمەت قۇنى 1,1 تريلليون تەڭگەنى، ال جەكە تۇلعالار ءۇشىن 65,7 ميلليارد تەڭگەنى قۇراعان. رەزيدەنت قاتارىنا كىرمەيتىن تۇلعالارعا 260 ميلليارد تەڭگەنىڭ قىزمەتى كورسەتىلگەن.

قىزمەت تۇرلەرىنە توقتالساق، باسىم بولىگى باعدارلامالىق قامتاماسىز ەتۋدى ازىرلەۋگە تيەسىلى: 383,9 ميلليارد تەڭگە، جىلدىق ءوسىم - 49 پايىز. ودان كەيىن قوسىمشالاردى ورنالاستىرۋ قىزمەتتەرى جانە ولارمەن بايلانىستى قىزمەت (229,1 ميلليارد تەڭگە)، باعدارلامالىق قامتاماسىز ەتۋ (167 ميلليارد تەڭگە)، اقپاراتتىق تەحنولوگيالار سالاسىنداعى كونسالتينگتىك جانە تاجىريبەلىك قىزمەتتەر (88 ميلليارد تەڭگە)، اقپاراتتىق باسقارۋ قىزمەتىندەگى مەملەكەتتىك ەلەكتروندىق اقپاراتتىق رەسۋرستار مەن جۇيەلەردى قالىپتاستىرۋ جانە دامىتۋ (76,5 ميلليارد تەڭگە).

وڭىرلەر بويىنشا بارلىق IT - قىزمەتتەردىڭ 51,9 پايىزى الماتى قالاسىندا كورسەتىلگەن (718,7 ميلليارد تەڭگە). بۇل - وتكەن جىلمەن سالىستىرعاندا 50,1 پايىزعا ارتىق. ال كورسەتىلگەن قىزمەتتىڭ 35,7 پايىزى ەلورداعا (493,7 ميلليارد تەڭگە) تيەسىلى. كەيىنگى ورىندارعا قاراعاندى (44,1 ميلليارد تەڭگە)، باتىس قازاقستان (29,7 ميلليارد تەڭگە) جانە پاۆلودار (15,9 ميلليارد تەڭگە) وبلىستارى جايعاسقان.

سالا بويىنشا ەڭ از قىزمەت تۇركىستان (869,6 ميلليون تەڭگە)، ۇلىتاۋ (1,1 ميلليارد تەڭگە) جانە قىزىلوردا (1,6 ميلليارد تەڭگە) وبلىستارىندا كورسەتىلگەن.

ايتپاقشى، تەمىرتاۋدا جوعارى پوليتەحنيكالىق كوللەدج بازاسىندا جاستاردىڭ اقپاراتتىق تەحنولوگياعا دەگەن قىزىعۋشىلىعىن ارتتىرۋ ماقساتىندا ءىت لاگەرى اشلىعان. مۇندا ون كۇن ىشىندە 100 قالا وقۋشىسى ءىت نەگىزدەرىن ۇيرەنەدى. لاگەر پيلوتتىق رەجيمدە جۇمىس ىستەيدى. ءبىلىم بەرۋ باعدارلامالارى جاس ەرەكشەلىكتەرىن ەسكەرە وتىرىپ جۇزەگە اسىرىلادى.

رەزيدەنت ەمەستەرگە سەكتوردا كورسەتىلەتىن قىزمەتتەرگە كەلەتىن بولساق، ا ق ش- تا قىزمەت مولىنان كورسەتىلگەن (60,6 ميلليارد تەڭگە). بۇل - ءبىر جىل بۇرىنعىدان 91,6 پايىزعا ارتىق. قىزمەت الۋشى ەلدەر اراسىندا ەكىنشى ورىنعا سولتۇستىكتەگى كورشىمىز رەسەي (42,8 ميلليارد تەڭگە) تۇراقتاعان. ۇزدىك ۇشتىكتى ۇلىبريتانيا تۇيىندەدى، وعان قازاقستان 34,4 ميلليارد تەڭگەنىڭ IT قىزمەتىن كورسەتىپتى. بۇل - ءبىر جىل بۇرىنعىدان 2,9 ەسە كوپ.

قىزمەت الۋشى ەلدەردىڭ العاشقى ون بەستىگىنە ب ا ءا، كيپر، يرلانديا، مەكسيكا، سينگاپۋر، وزبەكستان، گەرمانيا، قىتاي، نيدەرلاندى، شۆەتسيا، قىرعىزستان جانە بەلگيا ەنگەنىن اتاپ وتكەن ءجون