شورت-ترەكتەن قازاقستان قىزدار قۇراماسى 3000 مەترگە كوماندالىق ەستافەتا باسەكەىندە مارە سىزىعىن ەكىنشى بولىپ كەستى.
قازاقستان قۇراماسى ساپىندا ولگا تيحونوۆا، يانا حان، ماليكا ەرمەك جانە الينا اجعاليەۆا جارىس جولىنا شىقتى.
سپورتشىلارىمىز جارىس بارىسىندا الدىڭعى ۇشتىكتى ساقتادى. سوڭعى اينالىم كەزىندە، كورەيا قۇراماسىنىڭ سپورتشىسى جارىس جولىنان شىعىپ قالىپ، قازاقستاندىق شورت-ترەكشى قىتايلىق سپورتشىدان كەيىن ەكىنشى كەلدى.
ايتا كەتەيىك، بۇل قازاقستان دەلەگاتسياسىنىڭ حاربين قىسقى ازيا ويىندارىنداعى بەسىنشى جۇلدەسى.
وسىعان دەيىن، قازاقستاندىق سپورتشىلار قىسقى ازيا ويىندارىنىڭ العاشقى كۇنى 3 كۇمىس ەنشىلەپ، مەدالدار كەستەسىندە ءتورتىنشى ورىنعا جايعاستى.
ەسكە سالا كەتەيىك، شورت-ترەكتەن قازاقستان قۇراماسى ارالاس كوماندالىق ەستافەتادان ەل قورجىنىنا العاشقى كۇمىس جۇلدە سالعان بولاتىن.
مۇحتار قاليموللا ۇلى