قازاقستاندىق ءجۇزۋ شەبەرى نۇرداۋلەت جۇماعالي پاراليمپيادانىڭ كۇمىس جۇلدەگەرى اتاندى

پاريج. KAZINFORM - قازاقستاندىق پارا ءجۇزۋ شەبەرى نۇرداۋلەت جۇماعالي پاريجدە ءوتىپ جاتقان پاراليمپيادا ويىندارىندا جۇلدەگەرلەر قاتارىنان كورىندى.

قازاقستاندىق سپورتشى 100 مەترگە براسس ادىسىمەن (SB13 ساناتى) جۇزۋدە 1:04:83 ناتيجەمەن مارە سىزىعىن ەكىنشى بولىپ قيدى.

ءجۇزۋدىڭ بۇل تۇرىنەن اتالمىش قاشىقتىقتا نۇرداۋلەت الەم جانە پاراليمپيادا رەكوردشىسى، گەرمانيالىق سپورتشى تاليسو ەنگەلدى (1:01.90) عانا العا جىبەردى.

قولا جۇلدە ازەربايجاندىق ۆەلي يسرافيلوۆقا (1:05.35) بۇيىردى.

جارىس بارىسىندا ن. جۇماعالي ازيا رەكوردىن جاڭارتتى. بۇعان دەيىن نۇرداۋلەت توكيو پاراليمپياداسىندا قولا جۇلدە العان ەدى.

وسىلايشا، پاريج پاراليمپيادا ويىندارىندا قازاقستان قورجىنىنا بەسىنشى مەدال ءتۇستى.

ەسكە سالا كەتەيىك، بۇدان بۇرىن اقمارال ناۋاتبەكتىڭ جازعى پاراليمپيادا ويىندارىنىڭ جەڭىمپازى اتانعانىن جازعان بولاتىنبىز.

اۆتور
عايساعالي سەيتاق